नंदुरबार l प्रतिनिधी-
विधानसभा सार्वत्रिक निवडणूक 2024 साठी जिल्ह्यात अक्कलकुवा, शहादा, नंदुरबार व नवापूर या चार विधानसभा संघासाठी 20 नोव्हेंबर रोजी मतदान झाले. जिल्ह्यात हे चारही मतदार संघ मिळून एकूण 71.88 टक्के इतके मतदान झाले असल्याची माहिती जिल्हाधिकारी तथा जिल्हा निवडणूक अधिकारी डॉ. मित्ताली सेठी यांनी दिली आहे.
अक्कलकुवा मतदार संघात 71.65 टक्के मतदान झाले आहे. शहादा मतदान संघात 69.01 टक्के, नंदुरबार मतदार संघात 67.20 टक्के व नवापूर मतदार संघात 81.15 टक्के असे जिल्ह्यात एकूण 71.88 टक्के मतदान झाले आहे.
या निवडणूकीत अनय नावंदर (अक्कलकुवा), सुभाष दळवी (शहादा), अंजली शर्मा (नंदुरबार) व महेश चौधरी (नवापूर) हे निवडणूक निर्णय अधिकारी म्हणून काम पाहत आहेत. शनिवार, 23 नोव्हेंबर, 2024 रोजी या चारही मतदार संघात मतमोजणी होणार असल्याची माहिती डॉ. मित्ताली सेठी यांनी दिली आहे.
