नंदुरबार l प्रतिनिधी-
भाजपा महायुतीचे उमेदवार मंत्री डॉक्टर विजयकुमार गावित यांनी ग्रामीण भागात कॉर्नर सभा घेऊन प्रचाराची उंची गाठलेली असतानाच आता नंदुरबार शहरात देखील आपल्या झंजावाती प्रचार फेऱ्यांना सुरूवात केली आहे. वार्ड क्रमांक 3 व 4 मधील मतदारांशी संपर्क साधण्यासाठी त्यांनी प्रचार फेरी काढली असता प्रत्येक कॉलनीत त्यांचे उत्स्फूर्त स्वागत होताना दिसले.
नंदुरबार शहरातील प्रमुख वळण रस्त्यावरील डॉक्टर विक्रांत मोरे यांच्या कार्यालयापासून या प्रचार फेरीची सुरुवात करण्यात आली.अमर कॉलनी, सुरज केसरी कॉलनी, बन्सीलाल नगर, म्हाडा कॉलनी, सरगम कॉलनी, दत्त कॉलनी, विमलविहार सोसायटी, भुवनेश्वर कॉलनी, पटेल वाडी, स्वामी समर्थ कॉलनी, गिरीविहार सोसायटी अशा विविध भागातून त्यांनी संवाद साधला.
त्यांच्या समवेत भाजपाचे तालुका अध्यक्ष जे एन पाटील, जिल्हा महामंत्री सदानंद रघुवंशी, भाजपाचे ज्येष्ठ कार्यकर्ते प्रकाश छगन चौधरी, ईश्वर धामणे, आदिवासी सेवक पुरस्कार प्राप्त युवराज पाटील, माजी उपनगराध्यक्ष श्याम मराठे, मोहन खानवाणी, आनंदा माळी, संतोष वसईकर, रिपब्लिकन पार्टीचे सुभाष पान पाटील, विनोद वानखेडे, जगदीश पाटील, संजूभाई शहा, जितेंद्र मराठे, योगेश पाटील, सरिता चौधरी, दिव्या जोशी, रत्ना चौधरी, सुरेखा पाटील, अर्जुन मराठे, निलेश चौधरी व अन्य कार्यकर्ते पदाधिकारी व नागरिक सहभागी होते.
दरम्यान, शहरवासीयांमध्ये महायुती सरकारने राबवलेल्या लाडकी बहिण योजना, मुख्यमंत्री वयोवृद्ध तीर्थ यात्रा योजना याचे लाभ पुढे सुरू राहणार किंवा नाही तसेच मतदारांनी त्यासाठी काय भूमिका घ्यावी, यावरून मंथन घडत आहे. त्याचप्रमाणे मंत्र डॉक्टर विजयकुमार गावित यांच्या तीस वर्षाच्या कार्यकाळात जिल्ह्याचा कसा विकास झाला, यावर चौकात चौकातील नागरिक मते मतांतरे मांडताना दिसतात.
वैयक्तिक आणि सामूहिक लाभाच्या राबवलेल्या योजना महाराष्ट्रभर चर्चेत राहिल्या. स्थानिक शेतकऱ्यांना मिळवून दिलेली वीज माफी, पिक विमा योजना, कृषी सहाय्य, तापी बुराई आणि तत्सम पाणी प्रकल्पांना दिलेली गती, महिला बचत गटाच्या माध्यमातून गावागावात सुरू झालेले गृह उद्योग, ठक्कर बाप्पा सारखे योजनांमधून प्रत्येक गावात झालेले रस्ते आणि काँक्रिटीकरण, आदिवासी विद्यार्थ्यांसाठी लागू केलेल्या सवलती, भांडे वाटप सुरक्षा संच वाटप आणि लाडकी बहीण योजनेचे लाभ अशा अनेक कामांमुळे डॉक्टर विजयकुमार गावित यांचं नेतृत्व ठळक राहिले आणि सध्या निवडणूक रणधुमाळीत हाच मुद्दा चर्चेचा बनला आहे.
