नंदुरबार l प्रतिनिधी
शिवसेना शिंदे गटाच्या कार्यकर्त्यांच्या मेळाव्याचे आयोजन करण्यात आलेले आहे. विधानसभा पूर्वी होत असलेल्या या मेळाव्याचे संपूर्ण जिल्ह्याचे लक्ष लागून राहिलेले आहे.
सर्वत्र विधानसभा निवडणुकीच्या चर्चा आता रंगलेल्या आहेत. नेते,पदाधिकारी आगामी रणनीतीचा आखणीसाठी मोर्चे बांधणी करीत आहेत. दरम्यान, धडगावात आज सोमवार दि. 30 रोजी सकाळी ११ वाजता जुने धडगाव परिसरातील डी.एड कॉलेज मैदानावर होत असलेल्या शिवसेना शिंदे गटाच्या मेळाव्याचे संपूर्ण जिल्ह्याचे लक्ष लागून राहिलेले आहे.
मेळाव्यात कार्यकर्त्यांनी हजारोंच्या संख्येने उपस्थित राहण्याचे आवाहन शिवसेनेचे संपर्कप्रमुख. तथा माजी आमदार चंद्रकांत रघुवंशी, विधानसभा क्षेत्र प्रमुख विजय पराडके, जिल्हाप्रमुख ॲड.राम रघुवंशी जिल्हाप्रमुख किरसिंग वसावे यांनी केले आहे.
