नंदुरबार l प्रतिनिधी-
तळोदा तीन दिवसांपूर्वी सातवीत शिकणाऱ्या अल्पवयीन मुलीचे शाळेच्या आवारातून अपहरण करीत अत्याचार करून खून प्रकरणी पोलिसांनी एकास अटक केली आहे.
तळोदा तालुक्यातील एका गावात जिल्हा परिषद शाळेसमोरून सातवीच्या वर्गात शिकणारी तेरा वर्षीय अल्पवयीन मुलीला अपहरण केल्याची तक्रार नोंदवली होती. दरम्यान याची पोलीस चौकशी करत असताना सदर अल्पवयीन मुलगी एका मोटरसायकलवर बसून जात असल्याचे सीसीटीव्ही उघड झाले.दरम्यान 22 ऑगस्ट रोजी तालुक्यातील मोर शिवारातील सुभाष छकन नवले यांच्या केळीच्या शेतात मजूर निर्णय करत असताना बेपत्ता झालेली अल्पवयीन मुलीच्या मृतदेह तेथे आपत्ती जनक अवस्थेत आढळून आला. याप्रकरणी अज्ञाताविरुद्ध गुन्हा दाखल करण्यात आला होता.त्यानंतर पोलिस अधिक्षक श्रवण दत्त, पोलिस अधिकारी व कर्मचारी यांनी रात्रभर जागरण करीत आरोपीचा इतरत्र शोध घेतला. दरम्यान सीसीटीव्ही फुटेज वरून एकाला अटक करण्यात आली आहे.
अशी माहिती पोलीस अधीक्षक श्रवण दत्त यांनी दिली. याप्रकरणी अतिरिक्त पोलिस अधीक्षक अशित कांबळे यांच्या मार्गदर्शनाखाली उपविभागीय पोलीस अधिकारी दर्शन दुगड, स्थानिक गुन्हे शाखा अन्वेषण किरणकुमार खेडकर, सहाय्यक पोलीस निरीक्षक राजेंद्र लोखंडे, पो.उपनिरीक्षक महेश निकम, धर्मेंद्र पवार, मुकेश पवार ई. पोलिस अधिकारी व एल.सी.बी कर्मचारी यांच्या संयुक्तरित्या कार्यवाही करण्यात आली. घटनेचा पुढील तपास उपविभागीय पोलीस अधिकारी दर्शन दुगड करीत आहे.