नंदुरबार l प्रतिनिधी-
काँग्रेसचे खासदार राहुल गांधी यांनी अमेरिकेत केलेल्या वक्तव्याच्या निषेध करत भाजपातर्फे नंदुरबार येथे आंदोलन करण्यात आले.
काँग्रेसचे नेते खासदार राहुल गांधी यांनी अमेरिकेतील एका इंटरव्यू मध्ये सांगितले की, काँग्रेसची पक्षाची भूमिका आहे की, आरक्षण रद्द झाले पाहिजे. आरक्षण आम्ही काढून टाकू. भारतातील आरक्षण संपवण्याबाबत केलेल्या वक्तव्याचा निषेध करत भाजपतर्फे नंदुरबार येथील नगरपालिके जवळ काळी फीत बांधून तीव्र निषेध आंदोलन करण्यात आले.
परदेशात जाऊन आपल्या देशाची बदनामी करणे हा राहुल गांधींचा उद्योगच झाला आहे. एकीकडे आपले प्रधानमंत्री आपल्या भारत देशाला जागतिक पातळीवर सर्वोच्च देश बनवण्यासाठी प्रयत्न करत आहेत तर दुसरीकडे राहुल गांधी स्वतःच्याच देशाविषयी चुकीचे भाष्य करून आपल्या देशाचा आणि देशवासीयांच्या अपमान करत आहेत.
महामानव डॉ. बाबासाहेब आंबेडकरांनी दलित, आदिवासी, ओबीसी, मागासवर्गीयांना संविधानाद्वारे दिलेले आरक्षण कोणीही संपवू शकत नाही. मुळात तो हक्क कोणालाही नाही जोपर्यंत पंतप्रधान नरेंद्र मोदी आहेत.तोपर्यंत कोणीच आरक्षण काढू शकत नाही हे स्वतः मा.मोदी यांनी आपल्या भाषणात वारंवार सांगितलेले आहे.
पूर्वी काँग्रेस पक्ष अनेक वर्ष देशात सत्तेत राहिला तेव्हा त्यांच्या काळात दलितांवर अनेक प्रकारचे अत्याचार झाले,अन्याय झाला.पण भारतीय जनता पार्टी हे होऊ देणार नाही.यावेळी मा.खा.डॉ.हिना गावित यांनी सांगितले.
याप्रसंगी भाजपा प्रदेश महामंत्री विजय चौधरी,
जिल्हा परिषद अध्यक्षा डॉ.सुप्रिया गावित, आमदार राजेश पाडवी, जिल्हाध्यक्ष निलेश माळी, बळीराम पाडवी, सदानंद रघुवंशी, डॉक्टर सपना अग्रवाल, मकरंद पाटील, माणिक माळी, काजल मछले, दिव्या जोशी, पद्मा परदेशी, वैशाली राठोड, भीमसिंह राजपूत, प्रशांत पाटील, नूरभाई नुरानी, नितीन पाटील गौरव वाणी, विनोद जैन, बुधाभाई पाटील आदींसह सर्व पदाधिकारी मोठ्या संख्येने उपस्थित होते.
