नंदूरबार l प्रतिनीधी
नक्षलग्रस्त भागात विशेष सेवा बजाविणा-या पोलीस अधिकारी व कर्मचारी यांना “विशेष सेवा पदक” पोलीस महासंचालक कार्यालयाकडून जाहीर करण्यात आले आहे. त्यामध्ये नंदुरबार जिल्हा पोलीस दलातील दोन पोलीस अधिकारी यांना 15 ऑगस्ट स्वातंत्र्य दिनाचे दिवशी गौरविण्यात येणार आहे.
विशेष सेवा पदक जाहीर झालेल्यांमध्ये पोलीस उपअधीक्षक (मुख्यालय) विश्वास दामू वळवी, नंदुरबार (सेवा निवृत्त), पोलीस उपनिरीक्षक तानाजी राजु बहिरम, नेमणुक शहर वाहतूक शाखा, नंदुरबार यांचा समावेश आहे. दिनांक 15 ऑगस्ट 2024 रोजी स्वातंत्र्य दिनी पोलीस मुख्यालय, नंदुरबार येथे वरील दोन्ही पोलीस अधिकारी यांना विशेष सेवा पदक देऊन गौरविण्यात येणार आहे. सदर पदकप्राप्त अधिकारी यांचे जिल्हा पोलीस अधीक्षक श्रवण दत्त. एस, अपर पोलीस अधीक्षक निलेश तांबे यांनी अभिनंदन केले आहे.