नंदुरबार l प्रतिनिधी
नंदुरबार तालुका विधायक समिती संचलित बाळासाहेब ठाकरे माध्यमिक विद्यालय शेजवा शाळेत गुरुपौर्णिमा मोठ्या उत्साहाने साजरी करण्यात आली.
सदरील कार्यक्रमाच्या अध्यक्षस्थानी शाळेचे मुख्याध्यापक डी. एस. पाटील हे होते त्यांच्या हस्ते व्यास मुनी यांच्या प्रतिमेस पुष्पहार अर्पण करण्यात आला .यावेळी अध्यक्ष भाषणातून मुख्याध्यापक पाटील यांनी गुरुपौर्णिमा का साजरी केली जाते? त्याचे महत्त्व या विषयी सविस्तर अशी माहिती विद्यार्थ्यांना दिली तर शाळेचे क्रीडाशिक्षक विजय पवार यांनी गुरुचे आपल्या जीवनातील स्थान याविषयी विद्यार्थ्यांना सविस्तर माहिती सांगितली.
शाळेच्या लिपिक नेहा शर्मा यांनी व्यास मुनींनी लिहिलेले चार वेद ग्रंथाची सविस्तर माहिती विद्यार्थ्यांना करून दिली. यावेळी शाळेतील विद्यार्थी विद्यार्थिनींनी गुरुपौर्णिमेविषयी आपले मनोगत व्यक्त केले .कार्यक्रमाचे प्रास्ताविक संजय बोरसे यांनी केले सादरील कार्यक्रमाला शाळेचे उपशिक्षक रामानंद बागले, हरून खा शिखलिगर , संदीप गायकवाड, श्रीमती संगीता गोखले यादी उपस्थित होते.
कार्यक्रमाचे सूत्रसंचालन कलाशिक्षक आनंदराव पवार यांनी केले तर आभार दीपक वळवी यांनी बांधले. कार्यक्रम यशस्वीतेसाठी शाळेची शिपाई संजय वसावे ,दिनेश पवार यांनी परिश्रम घेतले.
सदरील कार्यक्रमाला शाळेतील विद्यार्थी विद्यार्थिनी मोठ्या संख्येने उपस्थित होते.
