नंदुरबार l प्रतिनिधी-
मुंबई – आग्रा महामार्गावर लळींग घाटात उभ्या असलेल्या ट्रकला पिकअप वाहन धडकल्याने झालेल्या अपघातात नंदुरबार तालुक्यातील आसाने येथील युवक ठार तर दोनजण जखमी झाल्याची घटना घडली आहे. याप्रकरणी मोहाडी पोलीस ठाण्यात ट्रक चालकाविरुध्द गुन्हा आला आहे .
याबाबत पोलीस सूत्रांनी दिलेल्या माहितीनुसार, मुंबई – आग्रा महामार्गावर लळींग घाटात बीएसएनएल टॉवर समोरील रस्त्याच्या समोरील वळणावर ट्रक ( क्र.एम.एच, ३ ९ , ए.डी. -२९ ८६ ) हा ट्रक मागील पार्कीग लाईट किंवा रिफलेक्टर न लावता धोकेदायक स्थितीत उभा केला होता . मागून येणारी बोलेरो पिकअप ( एम.एच. ९३, ए.डी.२९८६ ) मागून ट्रकवर जावून धडकली . या अपघातात बोलेरो चालक प्रशांत मधुकर पाटील ( २४ ) रा.आसाणे ता . नंदुरबार , हा तरुण जागीच ठार झाला तर राकेश अशोक पाटील रा . आसाणे व मनोज काशिनाथ पाटील रा . घोटाने ता . नंदुरबार , हे दोघे जखमी झाले . याप्रकरणी मनोज काशिनाथ पाटील यांच्या फिर्यादीवरुन मोहाडी पोलीस ठाण्यात ट्रकचालकाविरुध्द गुन्हा दाखल करण्यात आला आहे .घटनेचे माहिती मिळताच आसाने येथे शोककळा पसरली.
