नंदुरबार l प्रतिनिधी
राष्ट्रीय अनुसूचित जनजाती आयोगाचे अध्यक्ष अंतरसिंग आर्या हे 18 व 19 जुलै, 2024 रोजी नंदुरबार जिल्हा दौऱ्यावर येत असल्याचे जिल्हा प्रशासनामार्फत कळविण्यात आले आहे .
गुरुवार 18 जुलै 2024 रोजी सकाळी 10.00 वाजता सेंधवा येथून खेतिया, शहादामार्गे नंदुरबारकडे प्रयाण. सर्किट हाऊस नंदुरबार येथे 12.30 वाजता आगमन. दुपारी 2.00 वाजता जिल्ह्यातील आदिवासी बांधव, आदिवासी संस्था, संघटना यांच्याशी विविध मुद्दे व समस्यांवर बैठक. रात्री नंदुरबार येथे मुक्काम.
शुक्रवार 19 जुलै 2024 रोजी सकाळी 10.00 वाजता आदिवासी संस्था संघटनांसोबत बैठक. सकाळी 11.45 वाजता जिल्हाधिकारी कार्यालय, नंदुरबार येथे सर्व जिल्हास्तरीय अधिकारी यांच्यासमवेत आढावा बैठक. दुपारी 3.00 वाजता नंदुरबार येथून सेंधवाकडे प्रयाण करणार आहेत.
या दौऱ्यासाठी समन्वय अधिकारी म्हणून प्रकल्प अधिकारी नंदुरबार, चंद्रकांत पवार, तळोदा प्रकल्पाचे सहायक प्रकल्प अधिकारी उत्तम राऊत, प्रभात गायकवाड यांची नियुक्ती करण्यात आली असल्याचे आदेश जिल्हाधिकारी धनंजय गोगटे यांनी निर्गमित केले आहे.
