नंदुरबार l
नाशिक विभाग शिक्षक मतदारसंघ निवडणूक 2024 साठी बुधवार 26 जून 2024 रोजी मतदान होत असून सर्व मतदारांनी मोठ्या संख्येने निर्भयपणे मतदान करावे, असे आवाहन नाशिक विभाग शिक्षक मतदारसंघाचे सहाय्यक निवडणूक निर्णय अधिकारी निलेश सागर यांनी एका शासकीय प्रसिद्धी पत्रकान्वये केले आहे.
या निवडणूकीत सर्व मतदान केंद्रातील मतपत्रिकांची सरमिसळ करुन मतमोजणी केली जाते त्यामुळे कोणत्या मतदान केंद्रात कोणत्या उमेदवारास किती मते मिळाली असा तपशिल तयार केला जात नाही, त्यामुळे मतदारांनी आपल्या संबंधित मतदान केंद्रावर जाऊन मतदान नोंदवावे, असेही सहाय्यक निवडणूक निर्णय अधिकारी श्री. सागर यांनी शासकीय प्रसिद्धी पत्रकान्वये कळविले आहे.
