नंदुरबार l प्रतिनिधी
मुस्लिम धर्मियांचे पवित्र प्रार्थनास्थळ असलेल्या मक्का मदिना येथे जाणाऱ्या शहरातील हज यात्रेकरूंच्या सत्कार आमदार चंद्रकांत रघुवंशी मित्र मंडळाच्या वतीने करण्यात आला. नंदनगरीच्या भाईचाऱ्यासाठी अल्लाहकडे प्रार्थना करण्याचे आवाहन शिवसेना (शिंदे गट) संपर्कप्रमुख माजी आ.चंद्रकांत रघुवंशी यांनी केले.
रविवारी आमदार कार्यालयात शिवसेनेचे संपर्कप्रमुख तथा माजी आमदार चंद्रकांत रघुवंशी व माजी नगराध्यक्षा सौ.रत्ना रघुवंशी यांच्या हस्ते हज यात्रेकरूंच्या सत्कार करण्यात आला. तत्पूर्वी माजी मुख्याध्यापक नजमोद्दीन शेख यांनी मक्का मदिना येथे हज यात्रेकरूंनी जातांना कोणती काळजी घ्यावी याबाबत मार्गदर्शन केले. नंदुरबार शहरातून 80 हज यात्रेकरू लवकरच रवाना होणार आहेत.
सध्या नंदनगरीवर पाण्याचे संकट आहे असून, नंदनगरीसह सर्वत्र जातीय सलोखा व भाईचाऱ्यासाठी हज यात्रेकरुंनी अल्लाहकडे प्रार्थना करण्याचे आवाहन शिवसेनेचे संपर्कप्रमुख कथा माजी आमदार चंद्रकांत रघुवंशी यांनी केले. याप्रसंगी नगराध्यक्ष रत्ना रघुवंशी, शिवसेना (शिंदे गट) जिल्हाप्रमुख ॲड.राम रघुवंशी,माजी उपनगराध्यक्ष परवेज खान उपस्थित होते.
