नंदुरबार l प्रतिनिधी
नंदुरबार जिल्हातील धडगाव तालुक्यात अस्तंबा ऋषि देवस्थान येथे महायुतीतर्फे काँग्रेसचे उमेदवार ॲड. गोवाल पाडवी यांचा प्रचाराचा शुभारंभ करण्यात आला. व अक्कलकुवा डाब येथील आदिवासी कुल देवता देवमोगरा माता यांच्या चरणी रुढी परंपरा नुसार देवपूजा करून सुरवात झाली.
आदिवासी संस्कृती ही सर्वसमावेशक आहे. आदिम काळापासून आदिवासी निसर्ग पूजेच्या माध्यमातून निसर्गाचे रक्षण आणि सन्मान करत आहेत. हीच वैभवशाली संस्कृती आणि इतिहास जपण्याचे काम आपण करायचे आहे या भावना यावेळी व्यक्त केल्या.
या वेळी डाब येथे महासभा झाली.यावेळी माजी मंत्री,आ. एड के.सी.पाडवी यांच्यासह काँग्रेसचे उमेदवार ॲड. गोवाल पाडवी सह प्रचंड संख्येने काँग्रेस शिवसेना (उध्दव बाळासाहेब ठाकरे) राष्ट्रवादी काँग्रेस (शरद पवार गट) पक्षाचे नेते, कार्यकर्ते आणि पदाधिकारी उपस्थित होते.
