नंदुरबार l प्रतिनिधी
नंदुरबार लोकसभेसाठी उमेदवारी माघारीच्या शेवटच्या दिवशी 5 उमेदवारांनी नामांकन मागे घेतल्याने 11 उमेदवार निवडणुकीच्या रिंगणात असेल तरी मुख्य लढत भाजपाच्या डॉ.हिना गावित व काँग्रेसचे ॲड. गोवाल पाडवी यांच्यात होणार असल्याचे स्पष्ट झाले.
नंदुरबार लोकसभा मतदार संघाच्या निवडणुकीसाठी उमेदवारी दाखल केलेल्या १६ उमेदवारांपैकी अपक्ष अलीबाबा रशिद तडवी, ऍड.के.सी.पाडवी, गोपाळ सुरेश भंडारी, डोंगर जिभाऊ बहिरम, हेमलता कागडा पाडवी या पाच उमेदवारांनी माघार घेतल्याने आता आनंदा सुकलाल कोळी (बसपा हत्ती)
ऍड.गोवाल कागडा पाडवी (कॉंग्रेस, पंजा),
डॉ.हीना विजयकुमार गावित (भाजपा, कमळ), श्रीमती निर्मला वसावे (पिपल्स पार्टी ऑफ इंडिया, ऑटो रिक्षा ),रविंद्र रणजीत वळवी (भारतीय आदिवासी पार्टी, हॉकी स्टीक बॉल), हेमंत मन्साराम कोळी (वंचित बहूजन आघाडी, प्रेशर कुकर ),गितांजली शशिकांत कोळी (अपक्ष, माईक),जालमसिंग सुतूम पवार (अपक्ष, ट्रक),दीपककुमार मधुकर शिरसाठ (अपक्ष, शिट्टी), रोहिदास गेमजी वळवी ( अपक्ष, बॅटरी टॉर्च)
सुशिलकुमार जहांगीर पावरा (अपक्ष, नागरीक) हे
११ उमेदवार निवडणूक रिंगणात आहेत.दरम्यान आज उमेदवारांना चिन्हही वाटप करण्यात आले.
अक्कलकुवा विधानसभेत १ हजार १९८, शहादा विधानसभेत १ हजार ५८६, नंदुरबार विधानसभेत १ हजार ८६४, नवापूर विधानसभेत १ हजार २८१, साक्री विधानसभेत २०९, शिरपूर विधानसभेत १०६ असे एकुण ६ हजार २४४ निवडणूक कर्मचारी निवडणुकीच्या कर्तव्याच्या ठिकाणीच मतदान करु शकणार आहेत.
दरम्यान नंदुरबार लोकसभेसाठी 11 उमेदवार मैदानात असले तरी मुख्य लढत भाजपाच्या डॉ.हिना गावित व काँग्रेसचे ॲड. गोवाल पाडवी यांच्यात होणार असल्याचे स्पष्ट झाले.
कर्तव्यावरच करता येणार कर्मचाऱ्यांना मतदान
यंदा प्रथमच मतदानासाठी नियुक्त असलेल्या कर्मचार्यांसाठी जे ज्या ठिकाणी कर्तव्यावर आहेत, त्याच ठिकाणी त्यांना मतदान करता येणार आहे. तसेच झोनल अधिकारी असतील त्यांना त्यांच्या क्षेत्रातील कुठल्याही एका मतदान केंद्रावर मतदान करता येणार आहे. पोलीस विभागासाठीदेखील ही सुविधा आहे. परंतू मतदार संघाबाहेर ज्यांची डयुटी असेल त्यांना पोस्टल बॅलेट पेपरनेच मतदान करता येणार आहे. निवडणूक कर्तव्यार्थ प्रत्येक मतदान केंद्रावर नियुक्त केलेल्या कर्मचार्यांना त्यांच्या मतदानाचा हक्क बजाविता यावा म्हणून निवडणूक कार्य प्रमाणपत्र दिले जाणार आहे. निवडणूक कार्य प्रमाणपत्र मिळालेले कर्मचारी त्यांची ज्या मतदान केंद्रवार नियुक्ती करण्यात आलेली आहे तेथेच मतदानाचा हक्क बजावू शकतील.
