नंदुरबार l प्रतिनिधी
लोकसभा सार्वत्रिक निवडणूक 2024 साठी 03- नंदुरबार या विधानसभा मतदार संघातील मौजे फेस ता. शहादा येथील मतदान केंद्र क्रमांक 109 व 110 यांच्या जागेत बदल करण्यात आला असल्याचे जिल्हाधिकारी तथा जिल्हा निवडणूक अधिकारी मनीषा खत्री यांनी एका शासकीय प्रसिद्धी पत्रकान्वये कळविले आहे.
लोकसभा सार्वत्रिक निवडणूक 2024 साठी 03-नंदुरबार या विधानसभा मतदार संघातील मौजे फेस ता. शहादा येथील मतदान केंद्र क्रमांक 109 व 110 जिल्हा परिषद मराठी प्राथमिक शाळा पुर्व-पश्चिम इमारत पश्चिमेकडील अनुक्रमे खोली क्र.1 व खोली क्र.2, या शाळेच्या इमारतीमध्ये निश्चित करण्यात आले होते.
तथापि, 12 एप्रिल, 2024 रोजी सायंकाळी अचानक झालेल्या बेमोसमी पाऊस व वादळी वाऱ्यामुळे मौजे फेस ता. शहादा येथील मतदान केंद्र क्रमांक 109 व 110 जिल्हा परिषद मराठी प्राथमिक शाळा पुर्व-पश्चिम इमारत पश्चिमेकडील अनुक्रमे खोली क्र.1 व खोली क्र.2, या शाळेच्या इमारतीवरील छताचे पत्रे उडून गेल्याने इमारतीच्या व मतदान केंद्राचे मोठ्या प्रमाणावर नुकसान झाले होते. तसेच सदर इमारतीची वादळी वाऱ्यामुळे दुरावस्था होऊन अत्यंत धोकादायक झालेली असून दुरुस्ती करणे देखील शक्य नव्हते. त्यामुळे हे मतदान केंद्र त्या परिसरातीलच अंगणवाडी केंद्र क्रमांक 1 मध्ये मतदान केंद्र क्रमांक 109 आणि अंगणवाडी केंद्र क्रमांक 2 मध्ये मतदान केंद्र क्रमांक 110 असा जागेमध्ये बदल करुन मिळण्याबाबतचा अहवाल मुख्य निवडणूक अधिकारी, महाराष्ट्र राज्य यांच्याकडे सादर करण्यात आला होता.
त्यानुसार लोकसभा सार्वत्रिक निवडणूक 2024 साठी 03- नंदुरबार या विधानसभा मतदार संघातील मौजे फेस ता. शहादा येथील मतदान केंद्र क्रमांक 109 व 110 जिल्हा परिषद मराठी प्राथमिक शाळा पुर्व-पश्चिम इमारत पश्चिमेकडील अनुक्रमे खोली क्र. 1 व खोली क्र. 2 ऐवजी मतदान केंद्र क्रमांक 109 हे अंगणवाडी केंद्र क्रमांक 1 फेस येथे व मतदानर केंद्र क्रमांक 110 हे अंगणवाडी केंद्र क्रमांक 2, फेस येथे या जागेत बदल करण्यास परवानगी मिळाली असून तसा बदल करण्यात आला आहे.
या बदलाबाबत सर्व राजकीय पक्ष, उमेदवार व नागरिकांनी नोंद घ्यावी असे आवाहन जिल्हाधिकारी तथा जिल्हा निवडणूक अधिकारी मनीषा खत्री यांनी शासकीय प्रसिद्धी पत्रकान्वये केले आहे.