काकडदा येथे होळीच्या पार्श्वभुमीवर संयुक्त ग्रामसभा

नंदुरबार l प्रतिनिधी
होळीच्या पार्श्वभुमीवर येथे काकडदा, खामला, घाटली, मक्तारझिरा,वलवाल व झुंमट या गावांची संयुक्त ग्रामसभा काकडदा येथे पार पडली. दर वर्षी मानाची होळी काकडदा येथे मोठ्या उत्साहात व शिस्तीत पार पडते.मुंबई,पुणे, अशा शहरातुन विविध क्षेत्रातले मान्यवर, अधिकारी ही होळी अनुभवण्यासाठी येतात. ह्या होलीत जास्तीत जास्त पारंपारिकता व शिस्त जोपासली जाते.

पोलिस पाटील गुजार्‍या पाडवी रूढी परंपरा विषयी मार्गदर्शन केले. तसेच मागिल वर्षी व्यसनमुक्तीचा ठराव करण्यात आला. यात दारु,गुटखा, विडी आदि व्यसनांचा त्याग करणार्‍यां वीस लोकांचा शाल व श्रीफळ देवुन सत्कार करण्यात आला.स वर्षी व्यसनमुक्त विषयावर चर्चा करून ज्याने व्यसनं सोडले त्या सर्वांचा शाल नारळ देऊन सत्कार करण्यात आला.

या वर्षी नमामि सातपुडा मिशन राबविण्याचा संकल्प
या वर्षी प्रत्येक व्यक्तीने डोंगर उतारावरील शेतात एप्रिल महिन्यात सीसीटी खोदून जून मध्ये सीसीटीच्या खालच्या बाजुस केवडा कंद तसेच बांधावर झाडे लावण्यात येतील असा ठराव करण्यात आला.

सभेला आमशा पाडवी,चंदु पटले, लालसिंग वळवी ,रुमाल्या वळवी दाज्या मोरे, पंचायत समितीचे उपसभापती भाईदास अत्रे कारभारी सत्तर सिंग, बोंडा मोरे पुंजारा आपसिंग पाडवी, सुनील पाडवी, रामा पाडवी, लाला मोरे रेहज्या पाडवी ,बामण्या कारभारी कामोत वसाहतींचे पोलिस पाटील दिलवरसिंग भिल, उदेयसिंग ठाकरे खामला, घाटली ग्रामपंचायतचे सरपंच दित्या वळवी, मक्तरझिराचे चे माजी पोलीस पाटील बिद्या शेमले, तसेच सर्व या गावांतील ग्रामस्थ व सामाजिक कार्यकर्ते मोठ्या संख्येने उपस्थित होते.

जलसाक्षरता समितीच्या नमामि सातपुडा मिशन मार्फत पारंपारिक बियाणे व बांबु पासुन बनलेल्या वस्तुंचे प्रदर्शनी या वर्षीही आयोजित केली जाणार असल्याची माहिती लालसिंग वळवी यांनी दिली.