शहादा l प्रतिनिधी
लोकनायक जयप्रकाश नारायण सूतगिरणी पंचवार्षिक निवडणुकी निमित्त लोकशाही पॅनलच्या प्रचारफेरीस नंदुरबार तालुक्यातील विविध गावांमध्ये उत्स्फूर्त प्रतिसाद मिळाला असून सभासदांचा जोरदार पाठिंबा मिळाला आहे.
लोकनायक जयप्रकाश नारायण सहकारी शेतकरी सूतगिरणी लि.कमलनगर उंटावद-होळ ता.शहादाच्या संचालक मंडळ निवडीसाठी पंचवार्षिक निवडणुक जाहीर करण्यात आली आहे.या निवडणुकीत लोकशाही पॅनलच्या प्रचारानिमीत्त दि.20 रोजी नंदुरबार तालुक्यातील कोरीट,समशेरपूर, सुजालपूर,बोराळे, हाटमोहिदा, कोपर्ली, सातुर्खे, दहिंदुले ,चौपाळे, कोळदा,पाटोंदे,विखरण,खोंडामळीसह गुजरातच्या सीमावर्ती भागातील पिंपळोद,सरवाळा,वाका, निझर,वेळदा या गावांमध्ये मतदार-सभासद व ग्रामस्थांना भेटून लोकशाही पॅनलला विजयी करण्याचे आवाहन करण्यात आले.
यावेळी लोकशाही पॅनलचे उमेदवार, समर्थक यांच्यासह विविध सहकारी संस्थांचे संचालक, पदाधिकारी, कार्यकर्त्यांची उपस्थिती होती.मतदार सभासदांसह ग्रामस्थ शेतकरी बांधवांची घरोघरी जाऊन प्रत्यक्ष भेट घेण्यात आली. तसेच लोकशाही पॅनलला विजयी करण्याचे आवाहन करण्यात आले.विविध गावात महिलांनी प्रचारफेरी दरम्यान उमेदवार व प्रमुखांचे औक्षण करून शुभेच्छा दिल्या.मतदारांकडून प्रचारफेरीस उत्स्फूर्त प्रतिसाद मिळत असून मतदारांकडून जोरदार पाठिंबा दिला जात आहे.
