नंदुरबार l प्रतिनिधी
महाराष्ट्र राज्य राजपत्रित अधिकारी संघटनेच्या वार्षिक अधिवेशनासाठी नंदुरबार व धुळे डाएटचे अधिकारी नुकतेच नंदुरबार येथून रवाना झाले.
महाराष्ट्र राज्य राजपत्रित अधिकारी संघटनेचे वार्षिक अधिवेशन गणपतीपुळे येथे दिनांक 17 व 18 फेब्रुवारी 2024 रोजी नियोजित आहे.
सदर अधिवेशनासाठी प्रमुख मार्गदर्शक म्हणून महाराष्ट्राचे शालेय शिक्षण मंत्री नामदार दीपक केसरकर व उद्योग मंत्री नामदार उदय सामंत हे उपस्थित राहणार आहेत. या वार्षिक अधिवेशनासाठी विशेष निमंत्रित अधिकारी सुरज मांढरे आयुक्त शिक्षण महाराष्ट्र राज्य व राहुल रेखावार संचालक राज्य शैक्षणिक संशोधन व प्रशिक्षण परिषद महाराष्ट्र पुणे यांची उपस्थिती राहणार आहे.
महाराष्ट्रातील ३३ जिल्हा शिक्षण व प्रशिक्षण संस्थांमधील सर्व राजपत्रित अधिकारी यांची उपस्थिती राहणार आहे. या अधिवेशनासाठी नंदुरबार व धुळे जिल्ह्याचे अधिकारी गणपतीपुळे जिल्हा रत्नागिरी येथे कालच रवाना झाले आहेत.
यात धुळे डायट प्राचार्य डॉ. मंजुषा क्षीरसागर, वरिष्ठ अधिव्याख्याता रमेश चौधरी, अधिव्याख्याता डॉ. राजेंद्र महाजन, डॉ. वनमाला पवार, डॉ. शिवाजी ठाकूर सुभाष वसावे, विनोद लवांडे हे उपस्थित राहणार आहेत.
