नंदुरबार l प्रतिनिधी-
उमर्दे खुर्दे ता.नंदुरबार येथे कालपासून प्रीमियर लीग टेनिस बॉल क्रिकेट स्पर्धेचे पंचायत समिती सदस्य दीपक मराठे यांच्या हस्ते उद्घाटन करण्यात आले,
यावेळी प्रमुख पाहुणे म्हणून उमर्देचे उपसरपंच सागर साळुंखे, सामाजिक कार्यकर्ते गुलाब मराठे, कमलेश चौधरी उपस्थित होते. प्रीमियर लीगचे आयोजन उमर्दे येथील युवकांनी केले या प्रीमियर लीग मध्ये परिसरातील उमर्दे खुर्द चौपाळे, वडवद, भालेर ,दहिंदूले खुर्द, दहिंदूले बुद्रुक, धामडोद शिंदगव्हाण, वावद आदी गावातील २४ संघाने सहभाग घेतला आहे. ही डे नाईट क्रिकेट स्पर्धा असून ही स्पर्धा दहा दिवस चालेल.
एका दिवसाला तीन मॅचेस होणार आहेत, प्रत्येक मॅच आठ ओव्हरची असून त्यात तीन ओव्हर पावर प्ले असेल. या प्रीमियर लीग साठी उमर्देचे सरपंच सागर साळुंखे यांनी एकवीस हजार रुपये, दहिंदूले येथील दीपक मराठे यांनी अकरा हजार रुपये, कमलेश चौधरी यांनी पाच हजार रुपये व गुलाब मराठे यांनी पांच हजार रुपये देणगी दिली आहे.
स्पर्धेत बक्षीस
या प्रीमियर लीग मध्ये प्रथम येणाऱ्या क्रिकेट संघाला २१ हजार रुपये बक्षीस दिले जाणार आहे ,द्वितीय येणाऱ्या संघास ११ हजार रुपये व तृतीय येणारा संघास पाच हजार रुपये बक्षीस दिले जाणार आहे. आयोजक -उमर्दे खुर्द प्रीमियर लीग चे अध्यक्ष गणेश जगताप, उपाध्यक्ष वासुदेव वळवी, सचिव कैलास पवार, खजिनदार प्रणव कदमबांडे यांच्यातर्फे प्रीमियर लीग चे आयोजन करण्यात आले असून प्रत्येक टीमला नवीन बॉल देण्यात येणार आहे. उमर्दे येथील लगान टीम व दहिंदुले येथील एकेटी टीम यांच्यात पहिला सामना झाला.
