नंदुरबार l प्रतिनिधी
येथील एचडीएफसी बँक नंदुरबार व लोककल्याण बहुउद्देशीय संस्था नंदुरबार यांच्या विद्यमाने रक्तदान शिबीर घेण्यात आले. या शिबिरात 102 दात्यांनी रक्तदान करुन सामाजिक बांधिलकी जोपासली आहे.
या रक्तदान शिबिराचे उद्घाटन नंदुरबार जि.प.चे शिक्षणाधिकारी प्रवीण देवरे, जिल्हा आरोग्य अधिकारी रविंद्र सोनवणे यांच्या हस्ते करण्यात आले. यावेळी प्रवीण देवरे यांनी सिकलसेल, अ‍ॅनिमिया आजारावर मार्गदर्शन करून रक्तदानाचे महत्व पटवून देत रक्तदान करण्यास दात्यांनी पुढे यावे, जेणे करून रक्तसाठा भरमसाठ राहील. तसेच रवींद्र सोनवणे यांनी शिबिरातील रक्तदात्यांना प्रोत्साहन देत कौतुक केले.
एचडीएफसी शाखा 1 चे मॅनेजर हेमंत सोनवणे व एचडीएफसी शाखा 2 चे मॅनेजर जिया काझी आणि शेतकी विभागाचे प्रमुख भास्कर चव्हाण यांनी रक्तदान ही काळाची गरज आहे. आपण नेहमीच रक्तदान करून सामाजिक बांधिलकी जोपासावी, असे मार्गदर्शन केले.
शिबिर यशस्वीतेसाठी एचडीएफसी बँकेचे डब्ल्यूबीओ प्रमुख पंकज महाले, जितेंद्र पाटील, शीतल बडगुजर, भावना चौधरी, मृणाली पानपाटील, प्रियंका शेवाळे, बिंदीया गौड, जयेश पाटील, योगेश चौधरी, मंदार तांबोळी, पंकज मंडलिक, निलेश राजपूत, सागर आहुजा, सिद्धार्थ परदेशी, नरेंद्र ठाकूर, चेतन सांगळे, लोककल्याण संस्थेचे अध्यक्ष पंकज ठाकरे, संस्थेचे सचिव राकेश चौधरी, संदीप चौधरी, राहुल बोरसे, हिरालाल बारी, चेतन सौपुरे, किशोर महाले, दिपक साळी, पवन मराठे, सुनील पवार आदींनी परिश्रम घेतले. जनकल्याण ब्लड बँकेचे डॉ.लालचंदानी, शेखर पाटील, खलील शेख, आकाश जैन व ब्लड बँक कर्मचार्‍यांनी रक्त संकलनासाठी सहकार्य केले.
