नंदुरबार l प्रतिनिधी
महाराष्ट्र राज्य उत्पादन शुल्क विभागाच्या वेगवेगळ्या पथकांनी प्रकाशा येथे छापेमारी टाकत सुमारे 30 लाख रुपयांचा अवैध मद्यसाठा जप्त केला आहे.
राज्य उत्पादन शुल्क विभागाच्या नाशिक विभाग भरारी पथकाने प्रकाशा अक्कलकुवा रस्त्या लगत, प्रकाशा शिवार, प्रकाशा ता. शहादा या ठिकाणी वाहनतपासणी सापळा रचून महाराष्ट्रात प्रतीबंधीत असलेले गोवा राज्यात निर्मीत विदेशी मद्य ३०० बॉक्स आणि महिंद्रा बोलेरो मॅक्स पीकअप असा ३० लाख ६७ हजार रुपयांचा एकूण मुद्देमाल जप्त केला.
या प्रकरणी सागर शांतीलाल सैंदाणे (वाहनचालक) रा. संत गाडगेनगर, बोराडी, ता. शिरपुर, जि. धुळे, कमलेश सुभाष पाटील रा.मु.पो. बोराडी ता. शिरपुर जि. धुळे (फरार) मद्य पुरवठा दार, विणा (पूर्ण नाव माहित नाही) (फरार) सदर वाहन ( क्र. MH.१८.BZ०८५१) चे मालक व संशयीत अज्ञात इसम यांच्यावर गुन्हा नोंद करण्यात आला.
सदरची कारवाई डॉ. बा.ह. तडवी, विभागीय उप-आयुक्त, राज्य उत्पादन शुल्क, नाशिक विभाग, नाशिक तसेच श्रीमती, स्नेहा सराफ, अधीक्षक, राज्य उत्पादन शुल्क, नंदुरबार यांचे मार्गदर्शनाखाली विभागीय भरारी पथकाचे निरीक्षक ए.एस. चव्हाण, दुय्यम निरीक्षक ए.जी. सराफ, व्हीं.बी.पाटील, जवान सर्वश्री भाऊसाहेब घुले, धनराज पवार, महेश सातपुते, यांनी यशस्वीरित्या पार पाडली. सदरील गुन्हयाचा पुढील तपास व्ही. बी. पाटील, दुय्यम निरीक्षक, राज्य उत्पादन शुल्क, विभागीय भरारी पथक, नाशिक विभाग, नाशिक हे करीत आहेत.