नंदुरबार l प्रतिनिधी
क्रीडा व युवक सेवा संचालनालय महाराष्ट्र राज्य पुणे अंतर्गत जिल्हा क्रीडा अधिकारी कार्यालय नंदुरबार व पूज्य साने गुरुजी विद्या प्रसारक मंडळाचे कला, विज्ञान व वाणिज्य महाविद्यालय, शहादा यांच्या संयुक्त विद्यमाने शहादा येथे जिल्हास्तरीय शालेय सॉफ्टबॉल स्पर्धा आयोजित करण्यात आली होती.
स्पर्धेचे उद्घाटन सॉफ्टबॉल खेळाच्या साहित्याचे पूजन करून व नारळ वाळवून रुचिता ताई यांनी केले. यावेळी स्पर्धेचे उद्घाटन प्रसंगी संस्थेच्या संचालिका रुचिता पाटिल, महाविद्यालयाचे प्राचार्य डॉ.आर.एस.पाटील, कनिष्ठ महाविद्यालयाच्या उपप्राचार्या श्रीमती के.के.पटेल, उपप्राचार्य प्रा.डॉ.एम.के.पटेल, महाविद्यालयाचे क्रीडा संचालक प्रा.डॉ.अरविंद कांबळे, पर्यवेक्षक के.एच.नागेश, क्रीडा शिक्षक प्रा.जितेंद्र माळी, प्रा.अपर्णा जोबनपुत्रा, प्रदीप पाटील, पवन महाजन, व्हि.सी.डोळे, एस.आर.पाटील, दिपक चौधरी उपस्थित होते. रुचिताताई पाटील म्हणाल्या की, अमेरिका बरोबरच युरोप खंडात व संपूर्ण जगभरात खेळला जाणारा हा खेळ नंदुरबार जिल्ह्यात देखिल अतिशय उत्तमरीत्या खेळला जातो याचे खरोखर कौतुक वाटते.
स्पर्धेत मुलींचा संघांचा समावेश बघून रूचीताताईंनी आनंद व्यक्त केला व खेळाडूंना शुभेच्छा दिल्या. जिल्हास्तरीय स्पर्धेत २०२२-२३ वर्षी झालेल्या स्पर्धेत आलेल्या संघापेक्षा ह्या वर्षी संघांची संख्या वाढल्याने आनंद व्यक्त केला.
यशस्वी स्पर्धकांचे मंडळाचे अध्यक्ष दीपक पाटील, उपाध्यक्ष जगदीश पाटील, सचिव श्रीमती कमलताई पाटील, समन्वयक प्रा.मकरंद पाटील, कृषी उत्पन्न बाजार समितीचे संचालक मयूरभाई दीपक पाटील प्राचार्य डॉ.आर.एस.पाटील यांनी अभिनंदन केले. प्रास्ताविक जितेंद्र माळी यांनी केले. सूत्रसंचालन प्रा.डॉ.अरविंद कांबळे यांनी तर आभार पवन महाजन यांनी मानले. स्पर्धा यशस्वितेसाठी दिलवर ठाकरे, श्रीराम भंडारी, बबलू यादव, चेतन गोसावी, वंश दोढवे, अंकितकुमार यादव, हर्षल सोनवणे, गणेश यांनी काम पाहिले.
