नंदुरबार l प्रतिनिधी
जिल्ह्यातील नागरिकांच्या वाहनांचे कच्चे व पक्के अनुज्ञप्ती कामकाजासाठी माहे ऑक्टोंबर, नोव्हेंबर तसेच डिसेंबर 2021 मध्ये तालुकास्तरावर मासिक दौऱ्याचे आयोजन करण्यात आले आहे.
ऑक्टोंबर 2021 महिन्यात शहादा येथे मंगळवार 5,12 व 26 ऑक्टोंबर रोजी, नवापूर येथे बुधवार 6 व 20 ऑक्टोंबर, धडगाव 27 व 28 ऑक्टोंबर तर तळोदा येथे शुक्रवारी 8 व 22 ऑक्टोंबर रोजी मासिक दौरा आयोजित करण्यात आला आहे.
नोव्हेंबर महिन्यात शहादा येथे मंगळवार 2,9, 16 व 23 नोव्हेंबर रोजी, नवापूर येथे बुधवार 3 व 17 नोव्हेंबर, धडगाव 29 व 30 नोव्हेंबर तर तळोदा येथे शुक्रवारी 12 व 26 नोव्हेंबर रोजी दौरा असेल.
तर डिसेंबर महिन्यामध्ये शहादा येथे मंगळवार 7,14, 21 व 28 डिसेंबर रोजी, नवापूर येथे बुधवार 8 व 22 डिसेंबर, धडगाव 29 व 30 डिसेंबर तर तळोदा येथे शुक्रवार 3 व 17 डिसेंबर रोजी मासिक दौरा राहील.
कच्ची व पक्क्या अनुज्ञप्तीची चाचणी ही त्या तालुक्यातील लोकांसाठी निश्चित केलेल्या संख्येप्रमाणे घेण्यात येणार आहे. यावेळी अपूर्ण अर्ज स्विकारण्यात येणार नाही. ऐनवेळी एखाद्या तारखेस सुट्टी जाहीर झाल्यास सदर दौरा दुसऱ्या दिवशी घेण्यात येईल. कोरोना विषाणु प्रादुर्भावाच्या पार्श्वभूमीवर चाचणी वेळी मास्क लावणे, सामाजिक अंतराचे पालन तसेच सॅनिटायझरचा वापर करणे बंधनकारक असेल.
तरी सर्व मोटार वाहन मालक, चालक व अनुज्ञप्ती धारकांनी कच्ची व पक्की अनुज्ञप्तीसाठी ऑनलाईन वेळ घेऊन मासिक दौऱ्याच्या ठिकाणी कार्यालयीन वेळेत उपस्थित राहावे, असे आवाहन उप प्रादेशिक परिवहन अधिकारी किरण बिडकर यांनी केले आहे.
