नंदुरबार l प्रतिनिधी
नंदुरबार उपविभागातील नंदुरबार,नवापूर तालुक्यातील पोलिस पाटील संवर्गातील रिक्त पदांची भरती प्रक्रिया राबविण्यात येणार आहे, शासन धोरणानुसार महिला आरक्षण निश्चित करण्यासाठी 5 सप्टेंबर 2023 रोजी दुपारी 2.00 वाजता, बिरसा मुंडा सभागृह, जिल्हाधिकारी कार्यालय, प्रशासकीय इमारत टोकरतलाव रोड, नंदुरबार येथे सोडत काढण्यात येणार असल्याचे उपविभागीय अधिकारी (नंदुरबार) मंदार पत्की यांनी एका शासकीय प्रसिद्धी पत्रकान्वये कळविले आहे.
नंदुरबार तालुक्यातील 51 महसूली गावांत व नवापुर तालुक्यातील 43 महसुली गावात अशा एकूण 94 महसूली गावांची पोलिस पाटील संर्वगाची पदे रिक्त आहेत. शासन धोरणानुसार रिक्त पदांच्या 80 टक्के पद संख्या भरण्यासाठी गावांची निवड करणे तसेच 80 टक्के रिक्त गावांमधुन निश्चित झालेल्या गावांत शासन धोरणानुसार 30 टक्के महिला आरक्षण निश्चित करण्यासाठी सोडत काढण्यात येणार आहे. यावेळी नंदुरबार व नवापूर तालुक्यातील संबंधीत गावातील नागरीकांनी उपस्थित राहावे, असे आवाहनही श्री. पत्की यांनी प्रसिद्धी पत्रकान्वये केले आहे.
