नंदुरबार l प्रतिनिधी
गणितीय क्षेत्रात उल्लेखनीय कार्य करणार्या महाराष्ट्र गणित अध्यापक महामंडळ यांच्यावतीने नंदुरबार तालुका गणित अध्यापक मंडळाची नुतन कार्यकारिणी गठीत करण्यात आली. यात सर्वानुमते श्रीमती दुर्गाबाई रघुवंशी हायस्कूल चे भरत पेंढारकर यांची कार्याध्यक्षपदी निवड करण्यात आली.
यावेळी एकलव्य हायस्कूलचे शिक्षक कल्पेश तांबोळी यांची अध्यक्ष तर डॉ.काणे गर्ल हायस्कूलचे शिक्षक अनिल नाईक व अंग्लो उर्दू हायस्कूलचे शेख फरहान मोहम्मद नुर मोहम्मद यांची उपाध्यक्ष म्हणून निवड करण्यात आली. तसेच सचिवपदी नितीन पाटील तर सहसचिव जितेंद्र बारी यांची निवड करण्यात आली. नंदुरबार तालुक्यातील विद्यार्थ्यांच्या गणितीय समस्या सोडवणे, तसेच गणित सोप्या पद्धतीने शिकवून सर्व शाळांमधील विद्यार्थ्यांमध्ये गणिताविषयी आवड निर्माण करणे विद्यार्थ्यांमधील गणिताबद्दल भीती नाहीशी करून विद्यार्थ्यांमध्ये आत्मविश्वास निर्माण करण्यासाठी ही कार्यकारणी कार्य करेल हा विषयावर प्रमुख उद्देश आहे.
गणित अध्यापक महामंडळाच्या नंदुरबार तालुका कार्याध्यक्ष पदी निवड झाल्याबद्दल भरत पेंढारकर यांचे नंदुरबार एज्युकेशन सोसायटीच्या वतीने शाळेचे प्राचार्य, उपमुख्याध्यापक, पर्यवेक्षक, नंदुरबार जिल्हा गणित अध्यापक मंडळाचे जिल्हा अध्यक्ष योगेशकुमार गवते,सचिव दिलीप पाटील तसेच सर्व शिक्षक बंधू-भगिनी व शिक्षकेतर कर्मचारी आदींनी अभिनंदन केले आहे.
