नंदूरबार l प्रतिनिधी
अक्कलकुवा पोलीस ठाण्याची व्हॅन पावसामुळे घसरून अपघात झाल्याने पोलीस निरीक्षकासह दोन जण जखमी झाल्याची घटना गुजरात राज्यातील तुळसा गावाजवळ घडली.
सवस्तिर वृत्त असे की, अक्कलकुवा येथून नंदुरबारच्या दिशेने जाणारी पोलीस गाडी ( क्र.एम.एच. 39, ए.बी. 857) गुजरात राज्यातील मौलिपाडा ते तुळसा गावादरम्यान रस्त्यावरून जात असताना घसरल्याने गाडी थेट शेतात पलटली.
या अपघातात चालक राजू मोरे ,पोलीस नाईक जगदीश गांगुर्डे व पोलीस निरीक्षक दीपक बुधवंत हे तीन कर्मचारी प्रवास करत असताना हा अपघात घडून आला. यातील जगदीश गांगुर्डे यांना डोक्यात दुखापत झाली असून राजू मोरे व पोलीस निरीक्षक दीपक बुधवंत यांना देखील किरकोळ मार लागल्याचे समजते.
या जखमी अधिकारी व कर्मचाऱ्यांना नंदुरबार येथील रुग्णालयात दाखल करण्यात आले होते. मात्र सुदैवाने कोणत्याही प्रकारची जिवित हानी झाली नाही.
