नंदुरबार l प्रतिनिधी
अंकलेश्वर-बऱ्हाणपूर महामार्गावरील अक्कलकुवा गवाजवळील एका पेट्रोल पंपाजवळ वाहनाने धडक दिल्याने दुचाकीस्वारास दुखापत झाली.
याबाबत पोलीस सूत्रांनी दिलेल्या माहितीनुसार, तळोदा तालुक्यातील सिंगपूर येथील प्रकाश भांगा पाडवी हे त्यांच्या दुचाकीने (क्र.एम.एच.४१ ,म ६०४४) सिंगपूर येथील कोमदवाव (गुजरात) येथे जात होते. यावेळी अंकलेश्वर-बऱ्हाणपूर महामार्गावरील अक्कलकुवा गावाजवळील एका पेट्रोल पंपाजवळील रस्त्यावर एका चारचाकी वाहन चालकाने त्याच्या ताब्यातील वाहन बेदरकारपणे चालवून दुचाकीला धडक दिल्याने अपघात घडला.
घडलेल्या अपघातात प्रकाश पाडवी यांना दुखापत झाली असून दुचाकीचेही नुकसान झाले. याबाबत प्रकाश पाडवी यांच्या फिर्यादीवरुन अक्कलकुवा पोलिस ठाण्यातच चारचाकी वाहन चालकाविरोधात भादंवि कलम २७९, ३३७, ३३८, ४२७ सह मोटार वाहन कायदा कलम १८५ प्रमाणे गुन्हा दाखल करण्यात आला आहे. पुढील तपास पोहेकॉ.संजय जाधव करीत आहेत.
