बांधकाम मजूरीचे पैसे बुडवून पाच लाखात फसवणूक, एकाविरुद्ध गुन्हा दाखल

नंदुरबार l प्रतिनिधी

 अक्कलकुवा तालुक्यातील जांभली येथे मजूरीचे पैसे न देता ५ लाख १० हजार रुपयात फसवणूक केल्याप्रकरणी एकाविरोधात गुन्हा दाखल करण्यात आला आहे.

याबाबत पोलीस सूत्रांनी दिलेल्या माहितीनुसार, अक्कलकुवा तालुक्यातील जांभली येथील रायसिंग खात्र्या तडवी व साक्षीदार यांना शेख अतिकल्ला मोहंमद फुलहसन याने बांधकाम मिस्तरी यांना रोज ८०० रुपये व मजूरीचे काम करतील त्यांना ४०० रुपये रोज देईल असे आमिष दाखविले. तसेच दोन महिने काम करुन घेत रायसिंग तडवी व साक्षीदार यांना मजूरीचे ५ लाख १० हजार रुपये न देता आर्थिक फसवणूक केली.

याबाबत रायसिंग तडवी यांच्या फिर्यादीवरुन मोलगी पोलिस ठाण्यात शेख अतिकल्ला मोहंमद फुलहसन याच्याविरोधात भादंवि कलम ४२० प्रमाणे गुन्हा दाखल करण्यात आला आहे. पुढील तपास पोहेकॉ.आधार सोनवणे करीत आहेत.