नवापूर | प्रतिनिधी
तालुक्यातील बोदवड येथे ४० हजार रुपये किमतीचा अवैध सागवानी लाकडाचा सोफा जप्त करण्यात आला आहे.
सहाय्यक वनसंरक्षक नंदुरबार वनविभाग शहादा (प्रादेशिक व वन्यजीव) यांना मिळालेल्या गुप्त बातमीवरून वनक्षेत्रपाल चिंचपाडा व वनक्षेत्रपाल नवापूर यांच्या मार्गदर्शनाखाली पथकाने बोदवड गावात जाऊन रमेश गावित याच्या घराची सर्च वॉरंटने झडती घेतली असता सदर घराच्या पडसाळीत अवैध रंधा मशिन, एक बिना मोटरची व तयार साग सोफा सेट मिळून आला. सदर मालाची बाजारभावानुसार अंदाजीत किंमत ४० हजार रुपये आहे.
सदर कारवाहीत वनक्षेत्र नवापूर व चिंचपाडा मधील के.एम.बडूरे वनपाल कामोद वनपाल वडकळंबी सुनिता पाटील वनरक्षक कल्पेश अहिरे, कमलेश वसावे, संतोष गायकवाड, दिपक पाटील, अनिल वळवी, अमोल गावीत यांनी भाग घेतला.
सदर कार्यवाही उपवनसंरक्षक कृष्णा भवर, विभागीय वनअधिकारी उमेश वावरे यांच्या मार्गदर्शनाखाली करण्यात आली आहे. वन व वन्यजीव तसेच अवैधवाहतूक लाकूड संबधित कुठला गैरप्रकार निदर्शनास आल्यास तात्काळ टोल फ्री नंबर १९२६ वर संपर्क असे आवाहन करण्यात आले आहे.
