नंदुरबार l प्रतिनिधी
तालुक्यातील खर्द खुर्द येथे ७० जणांची मोफत तपासणी व शस्त्रक्रिया शिबिराचे आयोजन करण्यात आले होते.
आरोग्य शिबिराला ग्रामस्थांचा उत्स्फूर्त प्रतिसाद लाभला असून यावेळी ७० जणांची आरोग्य तपासणी करण्यात आली. यातील ८ जणांना पुढील उपचारासाठी नंदुरबारला पाठविण्यात आले. हे शिबीर खर्दे खुर्द येथील तुकाराम महाराज मंदिरात आयोजित करण्यात आले होते.
या शिबिरात नंदुरबार येथील डॉ. विजय पटेल यांनी तपासणी केली. यात पोटाचे गंभीर आजार व शस्त्रक्रिया, किडनीतील खड़े (मुतखडे), प्रोस्टेट ग्रंथी, थायरॉईड शस्त्रक्रिया, आतड्यावरील पीळ, जठराला छिद्र पडणे आधी आजारांवर ही तपासणी करण्यात आली आहे. यावेळी या कार्यक्रमाला सरपंच नितीन पाटील, दिलीप पाटील, दिनेश पाटील, माधवराव पाटील, सयाजी पाटील व ग्रामस्थ उपस्थित होते.
