नंदुरबार l प्रतिनिधी
शहादा तालुक्यातील म्हसावद गावातील राणीपूर फाट्याजवळ दुचाकीने धडक दिल्याने ९ वर्षीय बालक जखमी झाल्याची घटना घडली.
शहादा तालुक्यातील कोटबांधणी येथील दिनेश सिंगा भील (वय ९ वर्ष) म्हसावद गावातील राणीपूर फाट्याजवळून पायी जात होता. यावेळी विशाल रतिलाल पावरा (रा.इस्लामपूरा ता.शहादा) याने त्याच्या ताब्यातील दुचाकी (क्र.एम.एच.३९ एम ०१७०) रस्त्याच्या परिस्थितीकडे दुर्लक्ष करुन भरधाव वेगात धडक दिल्याने दिनेश भील हा जखमी झाला.
याबाबत सिंगा परश्या भील यांच्या फिर्यादीवरुन म्हसावद पोलिस ठाण्यात विशाल पावरा याच्याविरोधात भादंवि कलम २७९, ३३७, ३३८, मोटार वाहन कायदा कलम १८४ प्रमाणे गुन्हा दाखल करण्यात आला आहे. पुढील तपास पोहेकॉ.भिमसिंग ठाकरे करीत आहेत.
