नंदुरबार l प्रतिनिधी
येथील भाजपा महिला मोर्चाच्या नंदुरबार शहराध्यक्षा सौ.काजल विशाल मच्छले यांनी आयोजित केलेल्या विविध शिबिरातून सुमारे 100 पेक्षा अधिक लाभार्थ्यांना प्रधानमंत्री आयुष्यमान भारत योजनेचे कार्ड बनवुन देण्यात आले. तसेच नंदुरबार डाक कार्यालयात सुकन्या समृध्दी योजनेंतर्गत 20 बालिकांचे सुकन्या समृध्दी खाते उघडण्यात आले.
नंदुरबार शहरातील प्रभाग क्रमांक 8 मधील कंजरवाडा परिसरात विविध शिबिरांचे आयोजन करण्यात आले. भाजपा महिला मोर्चाच्या नंदुरबार शहराध्यक्षा सौ.काजल विशाल मच्छले यांच्या संकल्पनेतून शिबिर घेण्यात आले. या शिबिरात प्रधानमंत्री आयुष्यमान भारत योजनेंतर्गत 100 पेक्षा अधिक लाभार्थ्यांचे केवायसी करून कार्ड बनवून देण्यात आले.
तसेच नंदुरबार डाक कार्यालयात सुकन्या समृध्दी योजनेंतर्गत काजल मच्छले यांनी स्वखर्चाने एकूण 20 बालिकांचे सुकन्या समृध्दी खाते उघडण्यात आले. यावेळी लाभार्थ्यांना आयुष्यमान भारत कार्ड व सुकन्या समृध्दी खाते उघडण्याचे प्रमाणपत्र देण्यात आले. याप्रसंगी भाजपा महिला मोर्चाच्या नंदुरबार शहराध्यक्षा काजल विशाल मच्छले, सुनील जावरे, नरेंद्र सूर्यवंशी, नंदुरबार डाक उपविभागाचे डाक निरीक्षक सोनू बोरसे, सिध्देश्वर माळी, महेंद्र पाटील, कुणाल सोनवणे, रितेश सोनवणे, साक्षी हांडे आदी उपस्थित होते. शिबिर यशस्वीतेसाठी जय अंबे युवक-युवती मंडळ, के.एफ.सी.कंजर ग्रुपच्या सदस्यांनी परिश्रम घेतले.
