नंदूरबार येथे रस्ता दुरुस्तीच्या मागणीसाठी राष्ट्रवादीतर्फे आज रास्ता रोको आंदोलन 

नंदूरबार l प्रतिनिधी

नंदुरबार शहरातील बायपास रोड राष्ट्रीय महामार्ग धुळे चौफुली ते जिजामाता महाविद्यालय पर्यंत रस्ता नादुरुस्त झाला असून वेळोवेळी निवेदन देऊन ही याबाबत काहीही कारवाई न झाल्याने आज दि.14 फेब्रुवारी रोजी सकाळी 11 वाजेला शहरातील जगताप वाडी येथे राष्ट्रवादी शहराध्यक्ष नितीन जगताप यांच्या नेतृत्वात रास्ता रोको आंदोलन करण्यात येणार आहे.

याबाबत प्रसिध्दीस दिलेल्या पत्रकात म्हटले आहे की,नंदुरबार शहरातील बायपास रोड राष्ट्रीय महामार्ग धुळे चौफुली ते जिजामाता महाविद्यालय पर्यंत पुर्ण पणे नादुरुस्त झाला आहे. या रस्त्यावर वेळोवेळी अपघात होत आहेत अपघाताचे प्रमाण वाढत आहे,मोटरसायकल लहान मोठे वाहन चालक यांना त्रास सहन करावा लागत आहे.सार्वजनिक बांधकाम विभागाला वेळोवेळी निवेदन देऊन ही  रस्त्याचा कामाला सुरुवात करत नाही.याकडे दुर्लक्ष करीत आहेत.म्हणून राष्ट्रवादी काँग्रेस पार्टी नंदुरबार शहर यांच्या वतीने आज दि.14 फेब्रुवारी रोजी सकाळी 11 वाजेला शहरातील जगताप वाडी चौफुली येथे रास्ता रोको आंदोलन करण्यात येत आहे. तरी राष्ट्रवादी काँग्रेस पार्टीचे पदाधिकारी कार्यकर्ते व विविध संघटना पदाधिकारी,नागरिकांनी सार्वजनिक बांधकाम विभागाला जाब विचारण्यासाठी उपस्थित राहण्याचे आवाहन राष्ट्रवादीचे शहराध्यक्ष नितीन रोहीदास जगताप यांनी केले आहे.