म्हसावद l प्रतिनिधी
नंदूरबार येथील चावरा इंग्लिश मीडियम स्कूल मध्ये ‘इन्सानियत’ या विषयावर सांस्कृतिक कार्यक्रमाचे आयोजन करण्यात आले . चावरा स्कूलने 2022- 23 साठी ‘ सायन्स फॉर ह्युम्यानिटी ‘ ही वार्षिक संकल्पना अंगिकारली होती. या अनुषंगाने या वार्षिक सांस्कृतिक कार्यक्रमात विद्यार्थ्यांनी इंग्रजी हिंदी गीत गायन पोवाडा नृत्य नाटिका सादर केले.
कार्यक्रमाचे उद्घाटन नंदुरबार येथील जिल्हा परिषद अध्यक्षा डॉ.सुप्रिया विजयकुमार गावित यांच्या शुभहस्ते दीप प्रज्वलन व सांस्कृतिक कार्यक्रमाचे उद्घाटन करण्यात आले. अध्यक्षस्थानी डॉ.फादर शीजन थॉमस उपस्थित होते.या सांस्कृतिक कार्यक्रमात चावरा स्कूलचे 500 विद्यार्थ्यांनी सहभाग घेतला आणि इन्सानियत विषयावर सर्व सांस्कृतिक कार्यक्रम सादर केले.
कार्यक्रमाच्या प्रस्ताविक शाळेचे मुख्याध्यापक फादर टेनी परक्का यांनी केले. त्यांनी आपल्या प्रास्ताविकात नमूद केले की, आज आपण विज्ञानाच्या आधारे माणुसकी जिवंत ठेवण्यासाठी सदैव तत्पर असले पाहिजे व येणाऱ्या पिढी मध्ये मानवीय गुण जोपासले गेले पाहिजेत. सूत्रसंचालन प्रथम शहा, तिथि शहा, फातिमा कोठावाला, जारा मर्चंट, शरयु शिंदे, मीत पटेल यांनी केले. आभार सिस्टर अनु यांनी मानले. कार्यक्रमाच्या यशस्वी ते साठी शाळेचे उपमुख्याध्यापक फादर सीजीन व शिक्षक व शिक्षकेतर कर्मचारी पी.टी.ए सदस्य यांचे मार्गदर्शन लाभले कार्यक्रमासाठी पालक वर्ग मोठ्या संख्येने उपस्थित होते.
