नंदुरबार l प्रतिनिधी
नंदुरबार : तालुक्यातील आष्टे येथे नांगरणी करण्यास विरोध केल्याच्या कारणावरुन वाद झाल्याने दोघांविरोधात गुन्हा दाखल करण्यात आला आहे.
याबाबत पोलिस सूत्रांनी दिलेल्या माहितीनूसार, नंदुरबार तालुक्यातील आष्टे येथील शितल दिपक शेवाळे या त्यांचे पती, सासू, सासरे व आत्ये सासू यांच्यासोबत आष्टे शिवारातील गट क्र.१०३/३ या शेतात नांगरणीसाठी ट्रॅक्टर घेऊन गेले. यावेळी किशोर शिवाजी शेवाळे व वैशाली शिवाजी शेवाळे यांनी नांगरणी करण्यास विरोध करीत ट्रॅक्टरच्यापुढे झोपून ट्रॅक्टरला शेतात जाण्यापासून रोखले. तसेच किशोर शेवाळे यांच्या हातातील विळा हिसकावित असतांना शितल शेवाळे यांचे सासरे गुलाब गजमल शेवाळे यांच्या छातीजवळ विळा लागून दुखापत झाली.
यावेळी वाद सोडवित असतांना साक्षीदारांनाही विळा लागून किरकोळ दुखापत झाली. याबाबत शितळ शेवाळे यांच्या फिर्यादीवरुन नंदुरबार तालुका पोलिस ठाण्यात दोघांविरोधात भादंवि कलम ३२४, ३४१, ३४ प्रमाणे गुन्हा दाखल करण्यात आला आहे. पुढील तपास पोना.मुकेश ठाकरे करीत आहेत.
