छायाचित्रकार नितीन पाटील यांना राज्यस्तरीय फोटोग्राफी पुरस्कार

     येथील छायाचित्रकार नितीन पाटील यांच्या छायाचित्रांची दखल घेत त्यांच्या छायाचित्रण क्षेत्रातील उल्लेखनीय कार्याबद्दल राज्यस्तरीय फोटोग्राफी पुरस्कार मुंबई येथील सर्वद फाउंडेशन मार्फत जाहीर करण्यात आला आहे. या स्पर्धेत अनेक छायाचित्रकारांनी आपली छायाचित्रे पाठविली होती त्यातून श्री पाटील यांच्या छायाचित्रांची निवड करण्यात आली आहे.

श्री.पाटील यांना यापूर्वी विविध छायाचित्र स्पर्धेत पुरस्कार प्राप्त झाले आहेत. त्यांनी नंदुरबार येथे विविध विषयांवर छायाचित्र प्रदर्शन भरविले आहेत. त्यांच्या सारंगखेडा येथील छायाचित्र प्रदर्शनाचे उद्घाटन तत्कालीन मुख्यमंत्री व सध्याचे उपमुख्यमंत्री देवेंद्र फडणवीस यांच्या हस्ते करण्यात आले आहे.

त्यांच्या विविध छायाचित्रांची दखल घेत फाउंडेशन मार्फत पुरस्कार जाहीर करण्यात आला आहे. श्री.पाटील यांना मुंबई येथे पुरस्कार प्रदान करण्यात येणार आहे त्यांच्या या निवडीबद्दल छायाचित्रकार व पत्रकार संघटनेमार्फत तसेच हितचिंतकांमार्फत त्यांचे अभिनंदन करण्यात येत आहे.