म्हसावद l प्रतिनिधी
महाराष्ट्र राज्यातील थंड हवेचे ठिकाण म्हणून प्रसिद्ध असलेले व नंदुरबार जिल्ह्यातील तोरणमाळ येथे दि.१८ फेब्रुवारी रोजी महाशिवरात्री निमित्त श्री.गोरक्षनाथ महाराज यांची भव्य यात्रा भरते.यांच्या यात्रेच्या निमित्ताने मंदिरावर आज रोजी पूजाविधी करून ध्वज चढविण्यात आला.
मान्यतेनुसार ध्वज चढविल्या पासून तोरणमाळ येथील श्री गोरक्षनाथ महाराज यांच्या यात्रोत्सवास सुरुवात होते.मुख्य मंदिर श्री गोरक्षनाथ महाराज यांच्या मंदिराला ध्वज चढविल्यानंतर तोरणदेवी मंदिर,मच्छीन्द्र गुफा,जलिंदर मंदिर,सिता खाई,नागार्जुन मंदिर आदी ठिकाणी ध्वज लावला जातो.
यावेळी सरपंच इंदाबाई चौधरी,उपसरपंच रमेश चौधरी, पोलिस पाटील ओलसिंग नाईक,ग्रा.प.सदस्य पहाडसिंग नाईक,पोलिस पाटील सुक्करसिंग नाईक,ग्रा.प.सदस्य दित्या पटले,केवज्या नाईक,पोलिस पाटील अर्जुन नाईक,लोका सरदार, सुरमल नाईक,देवसिंग नाईक,काहऱ्या नाईक,लोका नाईक,सामाजिक कार्यकर्ते जीवन रावताळे,किसन चौधरी, संजय नाईक,बुरसिंग नाईक,रवि नाईक यांच्यासह ग्रामस्थ उपस्थित होते.
