नवापूर l प्रतिनिधी
नवापूर व नंदुरबार येथील वन पथकाने कारवाई करीत नंदुरबार तालुक्यातील भांगडा वनक्षेत्रात अवैधरित्या उत्खनन करणारा जेसीबी वन विभागाच्या पथकाने ताब्यात घेतला.
रविवारी नवापूर वनक्षेत्रपाल, नंदुरबार रोहयो वनपरिक्षेत्र व नवापूर प्रादेशिक वनपरिक्षेत्राचे कर्मचारी भांगडा वनक्षेत्रात गस्त घालत असताना वनक्षेत्रात एके ठिकाणी जेसीबीद्वारे अवैधरित्या उत्खनन होत असल्याचे दिसून आले. पथकाने जेसीबी जप्त करून नवापूर येथे जमा केला. या जेसीबीची किंमत बाजारभावानुसार ३० लाख रुपये आहे. याप्रकरणी भांगडा वनरक्षक यांच्याकडे वन गुन्हा नोंदविण्यात आला आहे. ही कारवाई धुळे वनसंरक्षक एच. एम. हौशिंग, उपवनसंरक्षक कृष्णा भवर, विभागीय वन अधिकारी संजय पाटील, सहायक
वनसंरक्षक धनंजय पवार यांच्या मार्गदर्शनात नवापूर वनक्षेत्रपाल स्नेहल अवसरमल, वनरक्षक अरविंद निकम, किसन वसावे, नयना हाडस, भिवाजी दराडे वनरक्षक कल्पेश अहिरे, कमलेश वसावे, संतोष गायकवाड, अनिल वळवी, अमोल गावित, गिरीश वळवी, उदयसिंग पाडवी, दीपाली पाटील, भाग्यश्री पावरा, रवी गिरासे, दिलीप गुरव व रोहयो वनपरिक्षेत्रातील सर्व संरक्षण मजूर यांनी केली.
