नंदुरबार l प्रतिनिधी
राष्ट्रीय कृषि व ग्रामीण विकास बँक (नाबार्ड) पुरस्कृत डॉ. हेडगेवार सेवा समिती नंदुरबार निर्मित रूरल हाट (ग्राम स्तरीय बाजार) लोकार्पण सोहळा नवापूर तालुक्यातील करंजाळी येथे पार पडला. कार्यक्रमाचे उदद्घाटन व लोकार्पण खा. डॉ. हिना गावीत यांनी केले. त्यावेळी त्यांनी रूरल हाट सारख्या नवीन संकल्पना राबविल्याबद्दल नाबार्ड, डॉ. हेडगेवार सेवा समिती व करजळी गावाचे रूरल हाट सारख्या सुंदर वास्तूचे उभारणी गावात झाल्याबदल कौतुक केले.
यावेळी खा.गावीत यांनी रूरल हाटच्या माध्यमातून करंजाळी गावातील शेतकऱ्यांना,महिलांना,विक्रेत्यां
या कार्यक्रमास डॉ. हेडगेवार सेवा समिती, संचालिका श्रीमती अर्चना वळवी, वरिष्ठ शास्त्रज्ञ व प्रमुख कृषि विज्ञान केंद्र, राजेंद्र दहतोंडे, अनिल पाटील, नवापुर पंचायत समिती सदस्य श्रीमती ललिता वळवी, सरपंच किसन वळवी, नवु वळवी, प्रमोद पाटील , कृषी सहायक, ग्रामसेवक व ग्रामस्थ उपस्थित होते.या प्रसंगी ग्राम पंचायततर्फे ग्राम स्वच्छता करण्यात आली व मान्यवरांच्या हस्ते वृक्षरोपण करण्यात आले.
