नंदुरबार l प्रतिनिधी
संत गाडगेबाबा ग्रामस्वच्छता अभियान सन 2020-21 व 2021-22 अंतर्गत राष्ट्रसंत तुकडोजी महाराज स्वच्छ ग्राम स्पर्धेत जिल्ह्यात प्रथम व द्वितीय आलेल्या बामखेडा त त ता शहादा व श्रीरामपूर ता. नंदुरबार या ग्रामपंचायतीची विभागस्तरीय समिती मार्फत तपासणी करण्यात आली.
संत गाडगेबाबा ग्रामस्वच्छता अभियान सन 20 20 – 21 व 2021 – 22 अंतर्गत जिल्हा परिषदेच्या अध्यक्षा . डॉ . सुप्रियाताई गावीत व मुख्य कार्यकारी अधिकारी मीनल करनवाल यांच्या मार्गदर्शनाखाली अभियानात उत्कृष्ट काम करणाऱ्या ग्रामपंचायतीची जिल्हास्तरिय समितीने तपासणी केली होती . या तपासणीत जिल्हा स्तरावर बामखेडा त त ता.शहादा व श्रीरामपूर ता. जि . नंदूरबार यांना अनुक्रमे प्रथम व व्दितीय क्रमांक मिळाले आहे.
जिल्हास्तर संत गाडगेबाबा ग्रामस्वच्छता अभियानात प्रथम व व्दितीत येणा-या ग्रामपंचातीची निवड विभागस्तरावर राष्ट्रसंत तुकडोजी महाराज स्वच्छ ग्राम स्पर्धेकरीता करण्यात येते. संत गाडगेबाबा ग्रामस्वच्छता अभियान सन 2020 – 21 व 2021 – 22 अंतर्गत राष्ट्रसंत तुकडोजी महाराज स्वच्छ ग्राम स्पर्धेकरीता जिल्ह्यातील श्रीरामपूर व बामखेडा तत यांची निवड करण्यात आली आहे. या ग्रामपंचायतीची विभागीय आयुक्त कार्यालय नाशिकचे उपायुक्त (विकास) , मनोजकुमार चौधर यांच्या अध्यक्षतेखालील त्री सदस्यीय समितीने तपासणी केली . यात विस्तार अधिकारी अनिल राणे , दीपक मोरे यांचा समावेश होता.
यावेळी समितीचे प्रारंभी श्रीरामपूर येथे ग्रामस्थांनी पारंपारिक पद्धतीने स्वागत केले. यानंतर समिती अध्यक्ष मनोज कुमार चौधर यांनी ग्रामस्थांशी संवाद साधून ग्रामपंचयात . मार्फत राबविण्यात आलेल्या विविध उपक्रमांची माहिती घेतली . यानंतर समिती ने शाळा , अंगणवाडी , सखी प्रेरणा भवन , हॅण्ड वाश स्टेशन , फुलपाखरू गार्डन , पिण्याचे पाण्याचे स्त्रोत , गोबर गॅस घनकचरा व सांडपाणी व्यवस्थापन , स्माशनभूमी आदी कामांची पाहणी केली . यानंतर बामखेडा तत ता शहादा येथे ही समिती ने भेट देवून ग्रामस्थांशी संवाद साधून मार्गदर्शन केले.
याप्रसंगी उपमुख्य कार्यकारी अधिकारी ( ग्रामपंचायत ) राजेंद्र पाटील , प्रकल्प संचालक ( जलजीवन मिशन ) तथा गट विकास अधिकारी जयवंत उगले , शहादा पंचायत समितीचे गट विकास अधिकारी राघवेंद्र घोरपडे , पाणी व स्वच्छता विभागाचे प्रकल्प व्यवस्थापक सुनील पाटील , उप अभियंता पांडूरंग दरेवार, मराठे ,विस्तार अधिकारी मनोज देव भैय्यासाहेब निकुंभ , अरुण वरसाळे , अभियंता हरिष भोई . महेंद्र नाईक , श्रीरामपूर चे सरपंच यशवंत गांगुर्डे , ग्रामसेविका रूपाली देवरे ग्रामसेवक मनिष रामोळे , उपसरपंच उखा भिल आदी सह ग्रामस्थ व पदाधिकारी व सर्व विभागाचे खातेप्रमुख उपस्थित होते .
