नंदूरबार l प्रतिनिधी
नंदुरबार येथील अखील भारतीय रेल्वे पेन्शनर असोसिएशनतर्फे पेन्शनर दिना निमीत्त 75 वर्ष पूर्ण करणाऱ्या सभासदाचा सन्मान भारतीय स्टेट बॅकेच्या सभागृहात स्टेट बॅकेचे मुख्य प्रबंधक राजेशकुमार मिश्रा यांच्या हस्ते करण्यात आला.
याप्रसंगी महामंत्री बी.डी.परमार,अध्यक्ष वाय.के.पाठक,बॅकेचे संजय धामणकर,स्वामीनाथ शुक्ला,अदि उपस्थित होते.कार्यक्रमात 75 वर्ष पूर्ण करणाऱ्या एकनाथ चौधरी,भिकाभाई वसावे,वाय.डी.माळी,इंदास चित्ते,गोपाळ पाटील,रामचंद्र परदेशी,सुपडू पाटील,लक्ष्मी कुलकर्णी,लिलाबाई निकुभे, यांचा सन्मान मान्यवरांच्या हस्ते करण्यात आला.साप्रसंगी पेन्शनर संघटनेच्या सभासदांना बॅकेकडून मिळणाऱ्या सेवेबाबत समाधान व्यक्त करुन बॅकेत वयोवृध्द पेन्शनरांना बसण्यासाठी स्वतंत्र जागा मिळावी तसेच बॅकेत पेन्शन घेण्यास असमर्थ असणाऱ्या सभासदांना मेडीकल प्रमाणपत्रानुसार त्यांच्या वारसाकडे पेन्शन मिळण्याची व्यवस्था करावी अशी मागणी करण्यात आली.
यावर प्रबंधक मिश्रा यांनी सकारात्मक भुमिका घेऊन लवकरच स्वतंत्र बसण्यासाठी जागा उपलब्ध करुन देणार असल्याचे सांगितले.तसेच दर महिन्याला मेडीकल प्रमाणपत्र देऊन पेन्शन देण्यात येणार असल्याचे सांगितले.तर परमार यांनी रेल्वे पेन्शनरांना लवकरच 5 टक्के दराने महागाई भत्त्यांचा हप्ता मिळणार असल्याची व मेडिकल अलाऊन्स ही वाढवून मिळणार असल्यांची माहिती दिली.कार्यक्रमाचे सुत्रसंचलन व आभार प्रमोद मुळये यांनी मानले.कार्यक्रमास रेल्वे पेन्शनर मोठया संख्येने उपस्थित होते.
