म्हसावद l प्रतिनिधी
नंदुरबार येथील क्रीडा संकुल येथे झालेल्या जिल्हास्तरीय शालेय ज्युदो स्पर्धेला विद्यार्थ्यांचा उत्स्फुर्त प्रतिसाद लाभला. या स्पर्धेत जिल्ह्यातील विविध शाळेतील मुला-मुलींनी सहभाग नोंदविला.
क्रीडा व युवक सेवा संचालनालय महाराष्ट्र राज्य, पुणे व जिल्हा क्रीडा अधिकारी कार्यालय नंदुरबार तसेच नंदुरबार जिल्हा ज्युदो असोसिएशन यांच्या संयुक्त विद्यमाने जिल्हा क्रीडा संकुल येथे शालेय जिल्हास्तरीय ज्युदो स्पर्धेचे उद्घाटन जिल्हा क्रिडा अधिकारी सुनंदा पाटील यांच्या हस्ते करण्यात आले. यावेळी नंदुरबार जिल्हा ज्युदो असोसिएशनचे अध्यक्ष गणेश मराठे, सचिव संतोष मराठे, क्रीडा शिक्षक उमेश राजपूत, सहाय्यक पोलीस निरीक्षक रमेश वावरे, योगिता बैसाणे, योगेश पालीकर आदी उपस्थित होते. स्पर्धेत १४ वर्षा आतील २० ते २५ किलो वजन गटात जान्हवी पवार, २५ ते ३० किलो वजन गटात मोहित सोनवणे, ३० ते ३५ किलो वजन गटात ऋतुजा पाडवी, ४० ते ४४ किलो वजन गटात भूमी मराठे यांनी आपली छाप पाडली.
तसेच १७ वर्षाआतील ४४ ते ४८ किलो वजन गटात दिशा पालीकर , ५२ किलो वजन गटात धनश्री राजपूत व क्रिष्णा जगताप, १९ वर्षा आतील ६० ते ६६ किलो वजन गटात शहादाब जिब्राइल शेख यांची निवड नाशिक येथे होणार्या विभागीय ज्युदो स्पर्धेसाठी झाली. खेळाडूंचे सर्वांनी अभिनंदन केले. स्पर्धेचे निरीक्षण केंद्रीय विद्यालय जळगावचे पाटील सर व मंडळ अधिकारी मदन कावळे यांनी केले. सूत्रसंचालन उमेश राजपुत तर आभार ज्युदो असोसिएशनचे अध्यक्ष गणेश मराठे यांनी मानले.