नंदुरबार l प्रतिनिधी
तालुक्यातील चौपाळे येथे कट मारल्याच्या रागातून एकास लोखंडी पाईपने मारहाण केल्याप्रकरणी तिघांविरोधात गुन्हा दाखल करण्यात आला आहे.
याबाबत पोलिस सूत्रांनी दिलेल्या माहितीनूसार, नंदुरबार तालुक्यातील चौपाळे येथील किरण प्रल्हाद बेलदार यांना विवेक संजय बेलदार याने दुचाकीने कट मारला. याचा जाब विचारला असता किरण बेलदार व अश्विनी किरण बेलदार यांना विवेक संजय बेलदार, संजय मोहन बेलदार व गजेंद्र संजय बेलदार यांनी शिवीगाळ करत हाताबुक्यांनी मारहाण केली. तसेच विवेक बेलदार याने हातातील लोखंडी पाईप किरण बेलदार यांच्या डोक्यावर मारुन जबर दुखापत केली.
याबाबत किरण बेलदार यांच्या फिर्यादीवरुन नंदुरबार तालुका पोलिस ठाण्यात तिघांविरोधात भादंवि कलम ३२६, ३२३, ५०४, ३४ प्रमाणे गुन्हा दाखल करण्यात आला आहे. पुढील तपास पोहेकॉ.नरेश गुरव करीत आहेत.
