नंदुरबार l प्रतिनिधी
शहरातील धुळे रस्त्यावर हिरा एक्झिक्यूटीव्ह हॉटेलसमोर मालट्रकने दुचाकीला धडक दिल्याने पती-पत्नी जखमी झाल्याची घटना घडली.
याबाबत पोलिस सूत्रांनी दिलेल्या माहितीनूसार, शिंदखेडा तालुक्यातील मालपूर येथील प्रभाकर तिरमले व त्यांची पत्नी छाया प्रभाकर तिरमले हे दुचाकीने दोंडाईकडून नंदुरबारकडे येत होते. यावेळी एका मालट्रक चालकाने त्याच्या ताब्यातील मालट्रक (क्र.एम.एच.४० एडी ६७९९) रस्त्याच्या परिस्थितीकडे दुर्लक्ष करुन भरधाव वेगात मालट्रक चालवून हिरा एक्झिक्यूटीव्ह हॉटेलसमोर दुचाकीला समोरुन धडक दिल्याने अपघात घडला.
घडलेल्या अपघातात प्रभाकर तिरमले व छाया तिरमले यांना दुखापत झाली. याबाबत छाया तिरमले यांच्या फिर्यादीवरुन नंदुरबार शहर पोलिस ठाण्यात मालट्रक चालकाविरोधात भादंवि कलम ३३७, ३३८, मोटार वाहन कायादा कलम १८४ प्रमाणे गुन्हा दाखल करण्यात आला आहे. पुढील तपास सहाय्यक पोलिस उपनिरीक्षक रविंद्र पवार करीत आहेत.
