नंदुरबार l प्रतिनिधी
शहादा तालुक्यातील सावखेडा व कर्जत येथील दोघांविरोधात ज्वालाग्रही पदार्थ बाळगल्याप्रकरणी दोघांविरोधात गुन्हा दाखल करण्यात आला आहे.
याबाबत पोलिस सूत्रांनी दिलेल्या माहितीनूसार, शहादा तालुक्यातील सावखेडा येथील रोहिदास जगन्नाथ मराठे यांनी टपरीत ८८० रुपये किंमतीचे ८ लिटर पेट्रोल सदृष्य द्रव्य बाळगतांना आढळून आले.
तसेच शहादा तालुक्यातील कर्जत येथील पोशा तुकाराम सोनवणे यांनीही टपरीत १ हजार १०० रुपये किंमतीचे १० लिटर पेट्रोल सदृष्य द्रव्य बाळगतांना आढळून आले. याबाबत पोशि.दिनकर चव्हाण, पोशि.मिथून सिसोदे यांच्या फिर्यादीवरुन दोघांविरोधात शहादा पोलिस ठाण्यात भादंवि कलम २८५ प्रमाणे गुन्हा दाखल करण्यात आला आहे.
