नंदुरबार | प्रतिनिधी
धडगांव तालुक्यातील इजिमा ते पाडामुंडा रस्त्याची चौकशीच्या मागणीसाठी पाडामुंडा ग्रामस्थांनी जिल्हाधिकारी यांना निवेदन दिले.
या निवेदनात म्हटले आहे कि, धडगांव तालुक्यातील इजिमा ४५ ते पाडामुंडा हा रस्त्याचा २५ मे २०१७ रोजी कार्यरंभ आदेश प्राप्त झालेला आहे सदर काम हे १६५.०९ लक्ष अंदाजित रक्कम व ८.२३ लक्ष ५ वर्ष दुरुस्ती रक्कम मंजुर होती तरी सदर कामाचा कार्यरंग आदेश प्रमाणे १२ महिने २४ मे २०१८ पर्यंत कामपुर्ण करणे आवश्यक होते.
परंतु अद्यापपर्यंत काम पूर्ण झालेले नाही तिरी सबंधित विभाग कार्यकारी अभियंता यांनी आर. के. सांवन यांच्या संगमताने रस्ता हडप करण्याचा प्रयत्न दिसून येत आहे. तसेच जागेवर कामपण झालेले नसताना सबंधित ठेकेदारास कार्यकारी अभियंता यांच्या विभागमार्फत संपूर्ण रक्कम अदा केल्याची दिसून येत आहे.
रस्ता सन २०१६-१७ मध्ये मंजूर झालेला आहे व आता २०२२ सुरु व संपत आले तरी अद्यापर्यंत रस्ता पूर्ण झालेला नाही तरी रस्ता अपूर्ण असल्याने गावातील बालकांचे, वयोवृध्द गरोदर महिलांचे हाल होत आहे.त्यामुळे जिवित हानी झाल्यास त्यास सबंधित ठेकेदार आर. के. सांवन व कार्यकारी अभियंता यांच्यावर सदोष मनुष्य वधाच्या गुन्हा दाखल करण्यात येईल तसेच सदर ठेकेदार आर. के. सांवन संस्था काळ्या यादीत टकावी तसेच सदर रस्त्याचे काम दोन महिन्यात पूर्ण न झाल्यास पाडामुंड ग्रामस्थ जिल्हाधिकारी कार्यालया समोर आमरण उपोषणास बसणार आहे.असा ईशारा निवेदनाव्दारे देण्यात आला.सदरचे निवेदन मुख्यमंत्री, जिल्हाधिकारी,मुख्य कार्यकारी अधिकारी आदींना देण्यात आले.
निवेदनावर सरपंच अनिता सुनिल तडवी, माजी सरपंच सुनिल बिरम्या तडवी, ग्रा.पं.सदस्य हेमंत तडवी, ग्रा.पं. सदस्य सदस्य मथुराबाई तडवी, ग्रा.पं.सदस्य अमासिबाई तडवी, ग्रा.पं.सदस्य अशोक तडवी, गोमा तडवी, दिलीप तडवी, धिरसिंग तडवी, सिंगा तडवी, शिवण्या तडवी, मालसिंग तडवी, दिनक तडवी, सन्या तडवी, अनिल तडवी, मिर्या तडवी, फत्तेसिंग तडवी, मनोहर तडवी, खेत्या तडवी, सुंगाबाई तडवी, आबीबाई तडवी, नबल्या तडवी, ईश्वर तडवी, पारता तडवी, गुला तडवी, वन्या तडवी, गोविंद तडवी, मालद्या तडवी, चिंतामण तडवी, रेद्या तडवी, निमजी तडवी, फत्तेसिंग तडवी, किसन तडवी, छगन तडवी, गुलाब तडवी, रामसिंग तडवी, टेबर्या तडवी, धिरिसंग तडवी, मानसिंग तडवी, शिवाजी तडवी, बटेसिंग तडवी, दिनेश तडवी यांच्या स्वाक्षर्या आहेत.
