बस आणि मोटरसायकलच्या भीषण अपघातात एक ठार व दोन जण गंभीर जखमी

नवापूर l प्रतिनिधी
नवापूर-पिंपळनेर रस्त्यावर गुजरात राज्य परिवहन मंडळाची बस आणि मोटरसायकलच्या भीषण अपघातात एक ठार व दोन जण गंभीर जखमी झाल्याची घटना घडली.

याबाबत अधिक माहिती अशी की,मंगळवार रोजी सकाळी 9 ते 10 वाजे दरम्यान नवापूर पिंपळनेर रोड वरील घोडजामन्या गावाजवळ मालेगाव सुरत ही गुजरात राज्याची बस ओव्हरटेक करण्याचा नादात मोटर सायकल (क्र.एम.एच.39, ए.जी. 7063) ला धडक दिल्याने मोटर सायकल रस्त्याचा कडेला फेकली गेली.दुर्दैवाने तिघे मोटर सायकल स्वार मोटर सायकल खाली दाबले गेले तर बस येऊन आदळल्याने चाका खाली मोटरसायकल आणि मोटरसायकल खाली तिघे अशा प्रकारे दबल्या गेल्याने या अपघातात कोट्या मौल्या मावची यांचा जागीच मृत्यू झाला तर विक्रम मावची त्यांचा सोबत असलेले विजेंद्र दिलीप गामीत रा. जुनागाम, ता.सोनगड गुजराथ हा गंभीर जखमी झाला आहे. अपघात झाल्या नंतर स्थानिक नागरिकांच्या मदतीने मृत आणि जखमींना बाहेर काढत उपजिल्हारुग्णलयात दाखल करण्यात आले प्राथमिक उपचारा नंतर जखमींना नंदुरबार जिल्हा रुग्णालयात हलविण्यात आले. घटनास्थळी पोलिस निरीक्षक बाळासाहेब भापकर, उपनिरीक्षक अशोक मोकळ,नासिर पठाण, पोहेका गुमान पाडवी,जगदीश सोनवणे, दिंगबर पाठक,अलताफ शेख यांनी घटनास्थळी पंचनाम केला.