नंदुरबार l प्रतिनिधी
नंदुरबार शहरालगतच्या होळतर्फे हवेली शिवारातील तालुका पोलीस ठाण्याच्या अवघ्या ५०० मिटर अंतरावर असलेल्या शनिछायानगरात चोरट्यांनी बंद असलेल्या दोन घरात प्रवेश करत , दागिने व रोख रक्कम असा सव्वालाखांचा मुद्देमाल लंपास केला . सोमवारी सकाळी हा प्रकार उजेडात आला . या प्रकरणी पोलिसात अज्ञात चोरट्या विरूद्ध गुन्हा दाखल करण्यात आला आहे.
याबाबत पोलीस सूत्रांनी दिलेल्या माहितीनुसार, नंदुरबार शहरालगतच्या होळतर्फे हवेली शिवारातील तालुका पोलीस ठाण्याच्या अवघ्या ५०० मिटर अंतरावर असलेल्या शनिछायानगरातील तुषार मराठे यांच्या घरात ही चोरी झाली आहे . तुषार मराठे हे २८ ते ३० ऑगस्टच्या दरम्यान कुटुंबासह उमर्दे येथे गेले असताना , अज्ञात चोरट्यांनी त्यांच्या घराच्या मागील दरवाजाचे कुलूप तोडून आत प्रवेश केला होता . चोरट्यांनी घरातील ९ ३ हजार ११५ रुपयांचे सोन्या – चांदीचे दागिने व २४ हजार रुपये रोख असा मुद्देमाल लंपास केला . याबाबत पूनम गोविंद मराठे रा.शनिछायानगर, ता.नंदुरबार यांनी दिलेल्या फिर्यादीवरून अज्ञात चोरट्यांविरोधात गुन्हा दाखल करण्यात आला आहे . याप्रकरणी पुढील तपास पोलीस उपनिरीक्षक प्रवीण पाटील करत आहेत .
