नंदुरबार l
नंदुरबार ते निजामपूर रस्त्यावर नांदरखेडा फाट्याजवळ एस.टी.बसने चारचाकी वाहनास धडक दिल्याने सहा जण जखमी झाल्याची घटना घडली. याप्रकरणी एस.टी.बस चालकाविरोधात गुन्हा दाखल करण्यात आला आहे.
याबाबत पोलिस सूत्रांनी दिलेल्या माहितीनूसार, साक्री तालुक्यातील निजामपूर येथील वसीम शेख मुख्तार हा त्याच्या ताब्यातील चारचाकी वाहन घेवून नंदुरबार ते निजामपूर रस्त्याने जात होते. यावेळी एस.टी.बस चालकाने त्याच्या ताब्यातील एस.टी. (क्र.एम.एच.१४ बीटी १८६४) रस्त्याच्या परिस्थितीकडे दुर्लक्ष करुन भरधाव वेगात एस.टी.बस चालवून नांदरखेडा फाट्याजवळ एका हॉटेलजवळ चारचाकी वाहनाला धडक दिल्याने अपघात घडला.
घडलेल्या अपघातात चारचाकी वाहनातील चालक वसीम शेख मुख्तार, रविंद्र शांताराम मोरे, बादल राजू मोरे, अनिल गेंदा पवार, भिकन रामदास नेरकर व युवराज संजय अहिरे यांना दुखापत झाली. अपघातानंतर एस.टी.बसचालक घटनास्थळावरुन पसार झाला. याबाबत वसीम शेख मुख्तार यांच्या फिर्यादीवरुन नंदुरबार तालुका पोलिस ठाण्यात एस.टी. बस चालकाविरोधात भादंवि कलम २७९, ३३७, ४२७ सह मोटार वाहन कायदा कलम १८४ प्रमाणे गुन्हा दाखल करण्यात आला आहे. पुढील तपास पोना.विनायक सोनवणे करीत आहेत.
