नंदुरबार l
शहादा शहरातील शाम नगरातील चोरट्यांनी ट्रॅक्टरचे शोरुममधून दोन लाख रुपयांची रोकड चोरुन नेली.
याबाबत पोलिस सूत्रांनी दिलेल्या माहितीनूसार, शहादा तालुक्यातील काथर्दे दिगर येथील विनोद उमाकांत पाटील यांचे शहादा शहरातील शाम नगरात ट्रॅक्टरचे शोरुम आहे.
सदर शोरुममध्ये चोरट्यांनी प्रवेश करुन दोन लाख रुपयांची रोकड चोरुन नेली. याबाबत विनोद पाटील यांच्या फिर्यादीवरुन शहादा पोलिस ठाण्यात अज्ञाताविरोधात भादंवि कलम ३७९ प्रमाणे गुन्हा दाखल करण्यात आला आहे. पुढील तपास सहाय्यक पोलिस उपनिरीक्षक छगन चव्हाण करीत आहेत.
