नंदुरबार l
नवापूर तालुक्यातील खांडबारा ते विसरवाडी रस्त्यावरील निंबोणी गावाजवळ वाहनाने समोरुन येणाऱ्या वाहनाला धडक दिल्याने चालक जखमी झाल्याची घटना घडली.
याबाबत पोलिस सूत्रांनी दिलेल्या माहितीनूसार, सुरत शहरातील उधना येथील अनिलकुमार नरेशकुमार कानोडीया हे त्यांच्या ताब्यातील वाहन (क्र.एम.एच.१८ बीजी ८९००) घेऊन खांडबारा ते विसरवाडी रस्त्याने जात होते.
यावेळी शिवकुमार जयचंद्रण जायकर (रा.शहाबाई नगर, नंदुरबार) याने त्याच्या ताब्यातील चारचाकी वाहन (क्र.एम.एच.३९ जे ३३०१) रस्त्याच्या परिस्थितीकडे दुर्लक्ष करुन भरधाव वेगात वाहन चालवून निंबोणी गावाजवळ अनिलकुमार कानोडी यांच्या वाहनाला धडक दिल्याने दोन्ही वाहनांचे नुकसान झाले.
तसेच शिवकुमार नायकर यालाही दुखापत झाली. यबाबत अनिलकुमार कानोडीया यांच्या फिर्यादीवरुन विसरवाडी पोलिस ठाण्यात शिवकुमार नायकर याच्याविरोधात भादंवि कलम २७९, ३३७, ३३८, ४२७, मोटार वाहन कायदा कलम १८४ प्रमाणे गुन्हा दाखल करण्यात आला आहे. पुढील तपास पोना.प्रशांत पाटील करीत आहेत.
